'n begeesterde span - Distell

46
MAATSKAPLIK KORPORATIEWE VERANTWOORDELIKHEID
Korporatiewe verantwoordelikheid
Erfenisversameling
Distell bewaar ’n versameling van unieke en belangrike
erfenisgoed van onskatbare waarde, onder meer die woonhuise
en inhoud van Nederburg, Plaisir de Merle en die Oude Drostdy
in Tulbagh. Ons en Lusan Premium Wyne hou verskeie ander
bekende nasionale monumente in stand, onder meer die
woonhuise van Uitkyk, Le Bonheur en Neethlingshof. Hierdie
geboue – sommige dateer uit die laat 17de eeu – tesame met
Distell se versameling van antieke Kaapse meubels uit die 18de
en 19de eeu is van die belangrikste bates wat die Kaap se
wynverwante erfenis weerspieël.
Die maatskappy het ook ’n wye versameling van historiese wynen
brandewyn-verwante kunswerke wat in ons wyn- en
brandewynkelders ten toon gestel word. Hierdie artikels lok baie
belangstelling en het groot opvoedkundige waarde vir plaaslike
en oorsese besoekers.
Slegs outentieke, tradisionele museumtegnieke word gebruik
om die antieke kunswerke in Distell se sorg te bewaar en te
herstel. ’n Kurator is vir dié doel aangestel om toesig te hou oor
hierdie aktiwiteite. ’n Sentrale register vir antieke goedere,
implemente en wynperse word in Distell se argiewe gehou. Die
argiewe huisves ook boeke, foto’s, videomateriaal, dokumente
en inligting oor die maatskappy se geskiedenis, sy mense en
produkte, asook navorsingsmateriaal rakende die wyn- en
brandewynbedryf en hou dit in stand.
Om uitsonderlike, wêreldklas gehalte
te behaal is op sigself ’n prestasie, maar wanneer jy dit met onfeilbare reëlmatigheid
doen, selfs met toenames in volumes, plaas dit jou beslis in ’n klas van jou eie. Dit word
bereik deur verantwoordelikheid te aanvaar en jouself nog
meer te dryf. Of om aan die gang te kom en voor te bly.
DISTELL JAARVERSLAG 2005