'n begeesterde span - Distell

30
MAATSKAPLIK KORPORATIEWE BESTUUR
Korporatiewe bestuur
bedag daarop om sy geledere met vars denke te versterk en om ’n
goeie balans tussen vaardighede en ondervinding te handhaaf.
Die doeltreffendheid van die direksiesamestelling en die werkverrigting
van al sy direkteure, die voorsitter ingesluit, word jaarliks
beoordeel.
Benewens hul direkteursgelde ontvang nie-uitvoerende direkteure
geen aandele-opsies of wesenlike voordele van Distell nie.
Daar word van alle lede van die direksie vereis om hul
aandeelhouding in Distell, ander direkteurskappe en enige
potensiële botsing van belange te openbaar. Dit is direkteure se plig
om te alle tye in die beste belang van die maatskappy op te tree.
Waar daar wel ’n potensiële botsing van belange bestaan, word
van hulle verwag om hulle aan tersaaklike besprekings en besluite
te onttrek.
Daar word van die direkteure en sekere ander werknemers vereis
om die voorsitter se toestemming te verkry voordat transaksies in
Distell-aandele aangegaan mag word. Die voorsitter sal sy
toestemming weerhou indien dit ’n geslote tydperk is of gedurende
enige tydperk waarin daar ongepubliseerde, prysgevoelige inligting
oor die maatskappy se aandele in sekere kringe in omloop is.
Die direksie vergader minstens elke twee maande om oorweging te
skenk aan ’n formele lys van aangeleenthede waaroor lede vooraf
ingelig word. Doeltreffende voorsitterskap en ’n formele agenda
verseker dat alle aangeleenthede opgehaal en bespreek word. Dit
stel direkteure in staat om hul verantwoordelikhede na te kom
en om te bepaal of voorgeskrewe funksies volgens bepaalde
standaarde uitgevoer is, binne die grense van omsigtige en
voorafbepaalde risikoperke en in ooreenstemming met
internasionale beste praktyk.
Die maatskappy het voldoende versekeringsdekking vir direkteure
en beamptes uitgeneem om voorsiening te maak vir enige
wesenlike eise teen direkteure en beamptes.
Alle direkteure het onbeperkte toegang tot die groepsekretaris, wat
optree as adviseur vir die direksie en sy subkomitees oor
aangeleenthede soos die nakoming van groepreëls en
-prosedures, statutêre regulasies en die King II-kode. Onafhanklike
professionele advies is in gepaste omstandighede op die
maatskappy se koste aan direkteure beskikbaar.
Die name en agtergrond van die direkteure en hul bywoning van
raadsvergaderings verskyn op bladsy 8 van die jaarverslag.
Subkomitees van die direksie
Bepaalde verantwoordelikhede word aan die komitees van die
direksie gedelegeer, met omskrewe mandate. By elke
direksievergadering doen komiteevoorsitters mondelings verslag
oor hulle bedrywighede, en notules van vergaderings word ook aan
die direksie voorgelê. Die vernaamste komitees van die direksie is
die volgende:
Die oudit-en-risikokomitee
Die oudit-en-risikokomitee evalueer gereeld die groep se
blootstelling aan en reaksie op wesenlike besigheids-, strategiese,
statutêre en finansiële risiko’s en:
• hersien die doeltreffendheid van die risikobestuursprosesse;
en
• hersien die geskiktheid en toereikendheid van die interne
finansiële en operasionele beheermaatreëls.
Die komitee hersien en evalueer ook rekeningkundige beleid en
finansiële inligting wat aan die publiek uitgereik word om te
verseker dat gepaste bestuurs- en verslagdoeningstandaarde
gehandhaaf word.
Dit is die ouditkomitee se taak om die aanstelling van eksterne
ouditeure aan te beveel, hul gelde te bepaal en die prestasie van
interne sowel as eksterne ouditeure te beoordeel. Die komitee
verseker ook dat daar doeltreffende kommunikasie tussen
direkteure, die bestuur en interne en eksterne ouditeure is. Die
risikobestuurswerkgroep staan die oudit-en-risikokomitee met sy
risikobestuursfunksie by.
Die ouditkomitee bestaan uit drie nie-uitvoerende direkteure wie se
besonderhede op bladsy 8 verskyn. Die komitee staan onder
DISTELL JAARVERSLAG 2005