'n begeesterde span - Distell

Besturende direkteur se verslag
Oorsig
Sedert Distell se totstandkoming in 2001 het ons daarin geslaag
om aandeelhouerswaarde te verbeter deur beduidende groei in
wesensverdienste te behaal en deur beter prestasie uit al ons
bates te put.
Distell het weer eens ’n suksesvolle jaar gehad. Ons het voortgegaan
om ons bedryfs- en bemarkingsvaardighede te verbeter
en het die meeste van die doelwitte bereik wat ons aan die begin
van die jaar gestel het. Wesensverdienste het met 34,5% gestyg
en het ’n saamgestelde jaarlikse groei van 23,5% behaal oor ’n
tydperk van vier jaar. Gedurende dieselfde tydperk het netto
bedryfsbates (synde vaste bates, voorraad en debiteure minus
krediteure) ’n saamgestelde jaarlikse groei van 3,8% getoon.
Gevolglik het die opbrengs op aandeelhouersfondse van 10,2%
in 2001 tot vanjaar se 17,0% verbeter.
Hoewel ons kan terugkyk op vier jaar van volgehoue verbetering,
moet nog baie gedoen word om ons aspirasies te bereik.
Volhoubare verbetering in aandeelhouerswaarde sal gegenereer
moet word uit winsgewende groei in omset. Daaarom het ons
gedurende die jaar ’n verbeterde bestuursbedryfstelsel geïmplementeer
om besigheidsfokus verder te verskerp en interne
samewerking te verbeter, terwyl ’n sterker markgerigtheid geskep
word, wat noodsaaklik is om ’n winsgewende markleier te wees.
Die plaaslike mark
Die groei in die plaaslike mark vir alkoholiese drank was
gedemp, soos reeds deur ons voorsitter genoem. Dit is
ondanks die groei in verbruikersbesteding soos duidelik blyk in
ander areas van die plaaslike ekonomie. Nietemin het
verbeterde verbruikersvertroue die groei in verkope van
premium produkte, waar Distell goed verteenwoordig word,
DISTELL JAARVERSLAG 2005
aangevuur. Benewens wyn en brandewyn het dit veral gegeld
vir Amarula Cream, wat groei van 15% in verkoopsvolumes
getoon het.
Die Suid-Afrikaanse drankmark bly ’n uitdaging vanweë die
toenemende mededinging in alle sektore, konsolidering tussen
kleinhandelaars en die ooraanbod van wyn. Dit plaas afwaartse
druk op wynpryse en marges in alle kategorieë. Ons bly egter
bemoedig deur ons sterk handelsmerke en die goed
gebalanseerde aard van ons portefeulje wat voorsiening maak
vir voorkeure van alle Suid-Afrikaners.
Ons het ons hulpbronne om ons markteenwoordigheid te
vergroot en die posisie van ons handelsmerke te versterk,
aansienlik vermeerder. Ons het ons bemarkingsafdeling
geherstruktureer, die kapasiteit van ons bemarkingspan met
nuwe talent vergroot en die bestaande vermoëns deur opleiding
en ontwikkeling versterk. Ons het ook ’n markaktiveringsprogram
van stapel gestuur om te fokus op klante- en
verbruikersverhoudinge en om die sigbaarheid van ons
handelsmerke uit te brei deur middel van groter promosieinisiatiewe.
Daarbenewens het ons die bevindinge van
uitgebreide klante- en verbuikernavorsing toegepas om die
advertensieveldtogte vir sommige sleutelhandelsmerke soos
Amarula, Klipdrift, Flight of the Fish Eagle, Hunter’s, Savanna,
Richelieu, Nederburg, Graça en JC le Roux op ’n nuwe en meer
suksesvolle wyse uit te voer. Ons is verheug deur die resultate
van verdere marknavorsing wat daarop dui dat hierdie veldtogte
groter handelsmerkbewustheid en herkenning van dié
handelsmerke meegebring het. Die stappe wat gedoen is om
ons bemarkingsbevoegdhede te verbeter was ook ’n aansporing
vir versnelde innovering, en verskeie uitbreidings en
opgraderings van handelsmerke is positief ontvang. Dit sluit in
byvoegings tot die luukse reeks brandewyne, Van Ryn’s
21
OORSIGTE BESTURENDE DIREKTEUR SE VERSLAG