'n begeesterde span - Distell

2
JAARSTATE DIREKTEURE SE VERANTWOORDELIKHEDE EN SERTIFIKAAT DEUR DIE GROEPSEKRETARIS
Direkteure se verantwoordelikhede
vir die finansiële verslagdoening
Die Maatskappywet, 1973, vereis van direkteure om
finansiële jaarstate vir elke finansiële jaar op te stel wat
die stand van die maatskappy en die groep, en die wins
en verlies vir die tydperk, redelik weergee. In die
voorbereiding van hierdie finansiële state word van die
direkteure verwag om:
• rekeningkundige beleid te bepaal en dit konsekwent
toe te pas;
• gesonde oordeel toe te pas en ramings te maak wat
redelik en omsigtig is;
• te meld of gestelde rekeningkundige standaarde
gevolg is, behoudens enige wesenlike afwykings wat
in die finansiële state geopenbaar en verduidelik
word; en
• die finansiële state op die lopendesaak-grondslag
op te stel tensy dit nie toepaslik is om te veronderstel
dat die groep sal voortgaan om sake te doen nie.
Die direkteure is verantwoordelik om behoorlike
rekeningkundige rekords te hou wat op enige tydstip met
redelike akkuraatheid die maatskappy se finansiële
posisie toon, ten einde te verseker dat die finansiële state
aan die Maatskappywet, 1973, voldoen. Hulle is in die
algemeen verantwoordelik om sodanige stappe te doen
wat redelikerwys moontlik is om die groep se bates
te beveilig en om bedrog en ander onreëlmatighede te
voorkom en op te spoor.
Hierdie finansiële jaarstate word ooreenkomstig Suid-
Afrikaanse Standpunte van Algemeen Aanvaarde
Rekeningkundige Praktyk (AARP) opgestel en behels
volle en verantwoordelike openbaarmaking in ooreenstemming
met die rekeningkundige beleid van die groep,
en is gegrond op redelike en omsigtige oordeel en
ramings.
Sertifikaat deur die groepsekretaris
Die direksie keur enige verandering in rekeningkundige
beleid goed en die uitwerking daarvan word volledig in die
finansiële jaarstate verduidelik.
Die direkteure het die groep se begrotings- en
kontantvloeivooruitskattings vir die tydperk tot
30 Junie 2006 in oënskou geneem. Op grond van hierdie
vooruitskattings, en met inagneming van die groep se
huidige finansiële posisie en die finansieringsgeriewe tot
sy beskikking, is hulle tevrede dat die groep oor
voldoende bronne beskik om sy bedrywighede in die
afsienbare toekoms voort te sit. Die finansiële jaarstate is
op die lopendesaak-grondslag opgestel.
Tussen die einde van die finansiële jaar en die datum van
hierdie verslag het geen gebeurtenis plaasgevind wat die
vertolking van hierdie verslag wesenlik beïnvloed nie.
’n Elektroniese weergawe van die finansiële state van die
groep word op die maatskappy se webwerf geplaas. Die
direkteure is verantwoordelik vir die instandhouding en
integriteit van die statutêre en geouditeerde inligting op
die maatskappy se webwerf.
Die finansiële jaarstate, soos uiteengesit op bladsy 53 tot
93, is deur die direksie goedgekeur en word namens hulle
onderteken deur:
DM Nurek JJ Scannell
Voorsitter Besturende direkteur
Stellenbosch
17 Augustus 2005
In my hoedanigheid as groepsekretaris bevestig ek hiermee, ingevolge die bepalings van die Maatskappywet, 1973, dat
die groep vir die jaar geëindig 30 Junie 2005 alle opgawes wat kragtens hierdie wet van ’n publieke maatskappy vereis
word, by die Registrateur van Maatskappye ingedien het en dat al dié opgawes waar, korrek en bygewerk is.
CJ Cronjé
Groepsekretaris
Stellenbosch
17 Augustus 2005
DISTELL JAARVERSLAG 2005