'n begeesterde span - Distell

More documents

Recommendations

Info

32 MAATSKAPLIK KORPORATIEWE BESTUUR Korporatiewe bestuur Die interne ouditeure doen ook onafhanklike ondersoeke oor bedrog en ander onreëlmatighede. Die interne ouditafdeling funksioneer onder die leiding van die ouditkomitee en doen aan hulle verslag, maar is aan die groep finansiële direkteur verantwoordelik vir dag-tot-dag-aangeleenthede. Dit het onbeperkte toegang tot die voorsitter van die ouditkomitee. Die interne ouditplan word voorgelê voordat ouditkomiteevergaderings plaasvind en is gegrond op ’n bepaling van potensiële risikogebiede. Al <strong>Distell</strong> se sakebedrywighede en ondersteuningsfunksies word aan interne oudit onderwerp. Die oudit-en-risikokomitee keur die jaarlikse ouditskedule goed. Interne oudits word uitgevoer ooreenkomstig die Instituut van Interne Ouditeure se standaarde. Interne oudits word uitgevoer deur oudit<strong>span</strong>ne wat saamgestel word uit behoorlik gekwalifiseerde en ervare personeel. Vir spesiale take word daar soms gebruik gemaak van die dienste van onafhanklike eksterne praktisyns en hulle geniet gelykwaardige toegang tot inligting. Na elke ouditopdrag word ’n gedetailleerde verslag aan die uitvoerende bestuur voorgelê, wat aanbevelings insluit oor aspekte wat verbeter moet word. Belangrike bevindings word aan die ouditkomitee gerapporteer. Eksterne oudit Die eksterne ouditeure spreek ’n onafhanklike mening oor die finansiële jaarstate uit. Die eksterne ouditfunksie verskaf redelike sekerheid oor die akkuraatheid en betroubaarheid van finansiële openbaarmakings, maar waarborg dit nie volkome nie. Die eksterne ouditeur se plan word deur die oudit-en- risikokomitee hersien om te verseker dat aangeleenthede waaroor daar wesenlike besorgdheid bestaan, gedek word sonder om die eksterne ouditeur se onafhanklikheid of sy reg om te oudit aan te tas. Die interne en eksterne ouditeure werk nou saam met die doel om gepaste gekombineerde ouditdekking te verseker en duplisering van opdragte te beperk. Interne beheer Interne beheerstelsels is ontwerp om die risiko van die nienakoming van sakedoelwitte te bestuur, eerder as om dit heeltemal uit te skakel. Hierdie stelsels kan dus redelike versekering, maar nie absolute versekering nie, teen wanvoorstellings en verliese bied. Hoewel die direksie vir interne beheerstelsels en vir die beoordeling van die doeltreffendheid daarvan verantwoordelik is, berus die verantwoordelikheid vir die implementering en instandhouding van hierdie stelsels by die uitvoerende bestuur. Die interne beheerstelsels is, net soos skriftelike beleid en prosedures, gegrond op gevestigde bedryfstrukture en maak voorsiening vir toepaslik gekwalifiseerde werknemers, die verdeling van pligte, en behoorlik gedefinieerde bevoegdhede en aanspreeklikhede. Dit sluit ook standaardkoste- en begrotingsbeheermaatreëls en uitgebreide bestuursrapportering in. Die groep se tesourie-afdeling is verantwoordelik om blootstelling aan rentekoers-, likiditeits- en valutatransaksierisiko’s te beheer en te verminder. Tesouriefunksies en -besluite word gelei deur skriftelike beleid en prosedures asook deur duidelik gedefinieerde bevoegdheidsvlakke en risiko-aanvaarding. Hoewel afgeleide instrumente van tyd tot tyd gekoop word om spesifieke rentekoersof valutablootstellings te verskans, gaan die groep se tesourieafdeling nie spekulatiewe finansiële transaksies aan nie. Die doeltreffendheid en eerbiediging van interne beheerstelsels word deurlopend gemoniteer deur formele bestuursbeoordeling, deur middel van internebeheer-kontrolelyste, asook deur die interne en eksterne ouditprosesse. Die proses van internebeheerkontrolelyste deur bestuur self vul bestaande strukture aan wat die interne beheerstelsel evalueer, en is ontwerp om op ’n deurlopende grondslag toegang tot beheermaatreëls te verkry, dit in stand te hou en te verbeter. Alle afdelings rapporteer hul beoordelings op ’n maandelikse grondslag. Gedurende die verslagtydperk het geeneen van hierdie beoordelings aangedui dat enige wesenlike tekortkominge in die funksionering van interne beheermaatreëls voorgekom het nie. DISTELL JAARVERSLAG 2005
Die direkteure is tevrede dat die stelsels en prosedures behoorlik en op ’n deurlopende grondslag toegepas, in stand gehou en deur gekwalifiseerde personeel gemoniteer word, met ’n behoorlike verdeling van bevoegdhede, pligte en gesagsverhoudings. Risikobestuur Die direksie is verantwoordelik vir die algehele proses van risikobestuur. Die oudit-en-risikokomitee is spesifiek verantwoordelik vir die risikobestuurstelsel, hersien die risikoverslae van die groep twee keer ’n jaar, en doen verslag aan die direksie rakende belangrike risiko’s wat die groep loop en die gepaardgaande optredes om dit te bekamp. ’n Sentrale risikobestuurder wat aan die oudit-en-risikokomitee verslag doen, is verantwoordelik om beleid en prosedures in verband met risikobestuur en risikofinansiering te bepaal. Die werkgroep hou toesig oor die bedrywighede van gedesentraliseerde risikobestuurs- en verliesbeheerdepartemente. Die bestuur van bedryfsrisiko’s, ’n lynfunksie, vind plaas ooreenkomstig die beleid en standaarde wat die komitee bepaal. Prestasie word op ’n gereelde grondslag gemeet by wyse van onafhanklike risikooudits wat deur ’n sentrale risikobestuursfunksie, bygestaan deur onafhanklike kundiges, uitgevoer word. DISTELL JAARVERSLAG 2005 Die groep het ’n deurlopende, stelselmatige en geïntegreerde ondernemingswye risikobestuursproses ingestel wat daarop gemik is om alle bekende vorms van risiko regdeur die groep te identifiseer, te beoordeel, te bestuur en te moniteer. Die bestuur, bygestaan deur onafhanklike kundiges, is betrokke by ’n deurlopende proses waarvolgens omvattende risikobestuurs- en -beheerriglyne ontwikkel en uitgebrei word. Dit het die toepassing van geïntegreerde risikobestuursagteware, -opleiding en -kommunikasie ingesluit. Vanjaar was die fokus op die ontwikkeling van ’n omvattende raamwerk vir die bestuur van risiko’s wat met inligtingstelsels en verwante tegnologieë verband hou. Wesenlike risiko’s geniet die deurlopende aandag van die direksie en word aangespreek in jaarlikse besigheidsplanne wat deur die direksie goedgekeur word. Die belangrikste risiko’s waaraan die groep op die oomblik blootgestel is, hou verband met wetgewing, die voorsieningsketting, die fisiese omgewing, vaardighede en menslike hulpbronne, tegnologie en valuta- en rentekoerse. Hierdie risiko’s word in die groep se geïntegreerde risikobestuursprogramme in aanmerking geneem. Om vooruit te gaan terwyl jy pret het, is maklik as jy jou deur passie laat lei, jy vinnig reageer en altyd op die uitkyk vir nuwe geleenthede is. Met ’n sterk sin van kameraderie en ’n wil om die beste te wees troef jy altyd die opposisie. 33 MAATSKAPLIK KORPORATIEWE BESTUUR
Page 1 and 2: ’n begeesterde span DISTELL
Page 3 and 4: Ons stel Distell se Inspirerende Sp
Page 5 and 6: Hoogtepunte vir die jaar Finansiël
Page 7 and 8: The Distell way Om ’n waarlik DIS
Page 9 and 10: Europa Tendens Amarula Wyn Volume 9
Page 11 and 12: Samestelling van die uitvoerende be
Page 13 and 14: Reg-om-te-drink (RTD) Spiritualieë
Page 15 and 16: Inkomstestate (R’000) DISTELL JAA
Page 17 and 18: Ontleding van aandeelhouers op 30 J
Page 19 and 20: Voorsittersverslag Handelstoestande
Page 21 and 22: Vooruitsigte Plaaslik het die vier
Page 23 and 24: Besturende direkteur se verslag Oor
Page 25 and 26: ly dit beskerm deur bemarkingstrate
Page 27 and 28: Besturende direkteur se verslag kos
Page 29 and 30: 0,33 verbeter in vergelyking met di
Page 31 and 32: Korporatiewe bestuur Voldoen aan di
Page 33: voorsitterskap van D Prins, ’n on
Page 37 and 38: Korporatiewe verantwoordelikheid Om
Page 39 and 40: SADC-gebied en is in die Krugerwild
Page 41 and 42: Korporatiewe verantwoordelikheid We
Page 43 and 44: aangestel met die bevordering van N
Page 45 and 46: egin wat die plaas se werkers en di
Page 47 and 48: • Opera @ Cederbergfees aangebied
Page 49 and 50: Ons mense Die inspirasie vir ’n w
Page 51 and 52: Werknemerstatistiek Diensgelykheid
Page 53 and 54: Finansiële jaarstate - vir die jaa
Page 55 and 56: Verslag van die raad van direkteure
Page 57 and 58: Inkomstestate vir die jare geëindi
Page 59 and 60: Kontantvloeistate vir die jare geë
Page 61 and 62: Rekeningkundige beleid en definisie
Page 63 and 64: Uitgestelde belasting word voorsien
Page 65 and 66: 2. Definisies en verhoudings 2.1 Ba
Page 67 and 68: DISTELL JAARVERSLAG 2005 2005 2004
Page 69 and 70: 5. Ontasbare bates (vervolg) Toets
Page 71 and 72: 9. Aandelekapitaal en aandelepremie
Page 83 and 84: 30. Finansiële risikobestuur (verv
Page 85 and 86:
30. Finansiële risikobestuur (verv
Page 87 and 88:
DISTELL JAARVERSLAG 2005 2005 2004
Page 89 and 90:
32. Veranderinge in rekeningkundige
Page 91 and 92:
34. Belang van direkteure in aandel
Page 93 and 94:
Aanhangsel 1 belang in filiale DIST
Page 95 and 96:
Aanhangsel 3 belang in gesamentlike
Page 97 and 98:
Volmagvorms moet slegs voltooi word
Page 99 and 100:
Volmagvorm DISTELL JAARVERSLAG 2005
Page 101:
Datums van belang vir aandeelhouers
show all

'n begeesterde span - Distell

Create successful ePaper yourself

Delete template?

Save as template?