'n begeesterde span - Distell

4
JAARSTATE KENNISGEWING AAN AANDEELHOUERS
Kennisgewing aan aandeelhouers
Kennis word hiermee gegee dat die volgende algemene
jaarvergadering van die maatskappy op Woensdag,
12 Oktober 2005, om 12:00 in die Besoekersentrum van
Durbanville Hills Wynkelder op die Durbanvillepad (M13),
Durbanville, Wes-Kaap, gehou sal word om die volgende
besluite met of sonder wysiging aan te neem:
1. Goedkeuring van die finansiële
jaarstate
Gewone besluit nommer 1
Besluit dat die geouditeerde finansiële jaarstate
vir die jaar geëindig 30 Junie 2005 oorweeg en
goedgekeur word.
2. Goedkeuring van direkteure se
vergoeding
Gewone besluit nommer 2
Besluit dat die vergoeding vir nie-uitvoerende
direkteure vir die finansiële jaar geëindig
30 Junie 2005 goedgekeur word.
3. Verkiesing van direkteur
Gewone besluit nommer 3
Besluit dat mnr PE Beyers wat kragtens die
bepalings van die statute van die maatskappy
uittree en homself herkiesbaar gestel het, as
direkteur van die maatskappy heraangestel word.
4. Verkiesing van direkteur
Gewone besluit nommer 4
Besluit dat mnr JG Carinus wat kragtens die
bepalings van die statute van die maatskappy
uittree en homself herkiesbaar gestel het, as
direkteur van die maatskappy heraangestel word.
5. Verkiesing van direkteur
Gewone besluit nommer 5
Besluit dat mnr SJ Genade, wat ’n dienskontrak
het, en wat kragtens die bepalings van die statute
van die maatskappy uittree en homself herkiesbaar
gestel het, as direkteur van die maatskappy
heraangestel word.
6. Verkiesing van direkteur
Gewone besluit nommer 6
Besluit dat mnr DM Nurek wat kragtens die
bepalings van die statute van die maatskappy
uittree en homself herkiesbaar gestel het, as
direkteur van die maatskappy heraangestel word.
7. Verkiesing van direkteur
Gewone besluit nommer 7
Besluit dat mnr PEI Swartz wat kragtens
die bepalings van die statute van die maatskappy
uittree en homself herkiesbaar gestel het, as
direkteur van die maatskappy heraangestel word.
Besonderhede van die direkteure wat herkiesbaar
is, verskyn op bladsy 96.
8. Goedkeuring vir die plasing van
onuitgereikte aandele onder die
beheer van die direkteure
Gewone besluit nommer 8
Besluit dat 10% (tien persent) van die gemagtigde,
maar onuitgereikte aandele in die maatskappy
ingevolge artikel 221(2) van die Maatskappywet
(Wet 61 van 1973) soos gewysig (“die
Maatskappywet”) hiermee onder beheer van die
direksie geplaas word, wat gemagtig word om
aandele in die maatskappy toe te ken en uit te
reik op terme en voorwaardes in hul uitsluitlike
diskresie, onderhewig aan die vereistes van die
Maatskappywet, die statute van die maatskappy
en die noteringsvereistes van die JSE Beperk
(“JSE”), wanneer van toepassing.
En om enige ander besigheid te verrig wat op ’n
algemene jaarvergadering verrig mag word.
Stem en volmagte
Lede wat nie hulle aandele gedematerialiseer het nie, of
wat hulle aandele gedematerialiseer het en dit in hulle eie
naam geregistreer het, is geregtig om die vergadering by
te woon en te stem. Enige sodanige lid het die reg om
’n gevolmagtigde of gevolmagtigdes te benoem om die
vergadering in sy/haar plek by te woon, daarop te praat
en te stem. So ’n gevolmagtigde hoef nie ’n lid van die
maatskappy te wees nie.
Volmagvorms moet ingelewer word by die maatskappy
se oordragsekretarisse, Computershare Investor Services
2004 (Eiendoms) Beperk, Grondverdieping, Marshallstraat
70, Johannesburg, Suid-Afrika, of kan gepos word
aan die oordragsekretarisse by Posbus 61051,
Marshalltown 2107, Suid-Afrika, om hulle te bereik nie
later as Maandag, 10 Oktober 2005, om 12:00 (Suid-
Afrikaanse tyd) nie.
DISTELL JAARVERSLAG 2005