'n begeesterde span - Distell

42
MAATSKAPLIK KORPORATIEWE VERANTWOORDELIKHEID
Korporatiewe verantwoordelikheid
gegenereer kan word. Hulle word bekendgestel aan die
wynbedryf, en geleenthede vir grondeienaarskap word geskep.
Partye wat saam met Distell hierby betrokke is, is die wynnavorsingsliggaam
Winetech, die SA Wynbedryftrust, sowel as die
Griekwaland-Wes Koöperasie, Oranjerivier Wynkelders, Sentraal-
Wes Koöperasie en die Jacobsdal Botteleringsmaatskappy.
Die arbeidsintensiewe, lae-tegnologie-skema is ontwikkel om te
verseker dat die maatskappy ’n koste-effektiewe bron van
gedistilleerde wyn het. Die bedoeling is om hoëdigtheidwingerd op
ongeveer 700 hektaar te vestig deur die gebruik van onbewerkte
grond wat nie die enting van druiwestokke op wortelstokke vereis
nie en dus die insetkoste verlaag, die gebruik van lae-kostelatwerk,
sowel as vloedbesproeiing. Die verwagte opbrengs is
gemiddeld 45 ton per hektaar en oeste sal verwerk word by
bestaande distilleringskelders wat onderbenut word.
Distell waarborg die opname van oeste sodra hulle geproduseer
word om aan sy behoeftes te voldoen. Die maatskappy is ook
betrokke by die verskaffing van bestuurs- en tegniese
infrastruktuur, sowel as opleiding van opkomende boere wat by
die projek betrokke is.
Die eerste fase wat nou voltooi is, het eksperimentering met
verskeie wynboutegnieke en variëteite deur ’n span
wingerdboere van Winetech se navorsingstasie in Upington
behels, sowel as deur individuele kommersiële boere wat graag
wou deelneem. Die tweede fase wat tans aan die gang is,
behels die vestiging van kleinskaalse wingerde met ’n
gemiddelde grootte van 1,5 hektaar in Upington, Douglas,
Hartswater en Jacobsdal en betrek voorheen uitgeslote boere
by die projek. Vir dié doel gaan ’n bestuurder aangestel word
om al hierdie gelokaliseerde boerdery-inisiatiewe onder
beskerming van ’n Artikel 21-maatskappy te koördineer. Dié
maatskappy sal opgerig word as die Noord-Kaap/Vrystaat-
Wingerdvestigingsmaatskappy. Distell is een van die
maatskappy se sewe lede, tesame met Winetech, die SA
Wynbedryftrust, die drie koöperasies en die botteleringsmaatskappy.
Grond word beskikbaar gestel deur ’n verskeidenheid maatreëls,
waaronder grondhervorming, lenings wat deur boere toegestaan is,
grond wat deur boere gegee of verhuur word en die huur van
Regerings- en munisipale eiendom. Plantery begin vanjaar en sal
voortduur tot in 2006. Daar word beoog om in 2007 met ’n
kommersiële plantprogram van vyf jaar te begin.
Na gelang van die druifkwaliteit sal dit moontlik wees dat sommige
van die vrugte gedistilleer kan word as potketelbrandewyn. Dit is
ook moontlik dat die projek verder uitgebrei kan word om
aanplanting vir druifkonsentraat in te sluit en dus ’n bykomende
inkomstebron bied.
Lutouw, Olifantsrivier
Distell is ’n groot ondersteuner van Lutouw Landgoed, ’n hoëkwaliteitwynboerdery
by Lutzville wat langs die Olifantsrivier en ongeveer 6 km
van die see geleë is. Die maatskappy koop tans gehaltedruiwe vir sy
Fleur du Cap Ongefiltreerde Reeks en ook vir ander handelsmerke in
die topreekse. Die plaaswerkers het ’n aandeelhouding van 40% en
wingerdboudienste word op ’n kontrakbasis verskaf deur selfstandige
werkers, wat eers vir dié doel opgelei is in landbou- en
besigheidsvaardighede. Die maatskappy beplan om sy verhouding
met hierdie bemagtigingsonderneming verder uit te brei.
Die onderneming is in 2000 begin deur twee vooraanstaande
wynboere van Lutzville, Truter Lutz en Jan Louw, en die SA
Wynbedryftrust (SAW) bewaar aandele namens die werkers. Lutz en
Louw het die plaaswerkers ook bygestaan met die oprigting van
gespesialiseerde besigheidseenhede wat gekontrakteer word om
werk op die plaas te verrig.
Nadat 60 hektaar wingerd aangeplant is, het Lutouw Landgoed vir
Distell genader om hulle by te staan in die ontwikkeling van ’n verdere
37 hektaar vir wit variëteite, wat vir die maatskappy ’n verdere bron van
voorraad sal wees. Tot op hede is 15 hektaar nuwe wingerd geplant
en die res sal gedurende 2005 geplant word.
Uylenkraal/Gansbaai
Distell het ’n plaas van 75 hektaar langs die Lomond-wingerde in
Gansbaai gekoop met die uitsluitlike doel om ’n SEB-projek te
DISTELL JAARVERSLAG 2005