'n begeesterde span - Distell

SADC-gebied en is in die Krugerwildtuin geleë. Die maatskappy borg
elke jaar die pryse vir die top sertifikaat- en diplomakursusstudente.
Heelparty van dié studente vorder later tot by middel- en senior
bestuursposisies in bewaring by die voorste wildreservate in Afrika.
Kenya Wildlife Society
Die maatskappy, deur middel van Amarula, ondersteun hierdie
inisiatief van die Keniaanse regering om die belangrikheid van
bewaring te bevorder en oor te dra, en het in slegs een jaar
(2004) ’n totaal van R80 000 vir hierdie doel ingesamel.
Sedgwick’s Old Brown Sherry/ Oseanografiese Navorsing/
WWF-SA se Visetiketteringsprojek
Sedgwick’s Old Brown Sherry befonds een van die oudste en
mees geslaagde marienebewaringsprojekte in Suid-Afrika, wat
deur die WWF-SA bestuur word. Die projek is in 1984 begin en het
meer as 191 425 lynvisse vanuit 347 spesies langs die Suid-
Afrikaanse kusgebied gemerk en vrygelaat. Daarbenewens is 9 640
gemerkte visse weer gevang en aan die Oseanografiese
Navorsingsinstituut gerapporteer. So byvoorbeeld is ’n koperhaai
van 820 mm in Maart 1999 by Die Plaat, Struisbaai, gemerk en ses
jaar later 280 km verder weer gevang. Die haai was toe 1 100 mm
lank. Dit het bewys hoe stadig die spesie groei.
Die projek verskaf nie net inligting oor die bewegingspatrone
van visse nie, maar ook hoe vinnig hulle groei, die grootte van
bevolkings en vissery se impak daarop. Dié data word deur
akademici, die kommersiële en die privaat sektor gebruik om die
spesies beter te verstaan en te bestuur. Op hierdie wyse speel die
etiketteringsprojek ’n belangrike rol om beleid en besluitneming
rakende lynvisbestuur in Suid-Afrika te beïnvloed. Net so belangrik
is dat bewuswording van die projek gehelp het om die
belangrikheid van visbewaring onder die wyer Suid-Afrikaanse
publiek te bevorder.
Openbare gesondheid
Verantwoordelike drankgebruik
Distell erken die maatskaplike en gesondheidsvoordele wat
matige en verantwoordelike drankgebruik inhou. Distell erken ook
dat die bekamping van misbruik die gesamentlike verantwoorde-
DISTELL JAARVERSLAG 2005
likheid van die drankbedryf, die Regering, nasionale, provinsiale
en plaaslike owerhede en die polisiediens is.
Om hierdie rede werk die maatskappy ten nouste saam met die
Bedryfsvereniging vir Verantwoordelike Alkoholgebruik (BVA) om ’n
konstruktiewe benadering tot alkoholgebruik en -misbruik te
bevorder en uit te voer. Die BVA verteenwoordig die bedryf in sy
skakeling met die Regering, die Vereniging vir Reklamestandaarde
en wetstoepassingsagentskappe. Die BVA doen navorsing oor en
befonds ’n verskeidenheid inisiatiewe wat op risikogroepe gemik is
en hulle ondersteun. Projekte sluit in die leer van lewensvaardighede
vir stedelike en plattelandse kinders, jeug en volwasse
gemeenskappe, die identifisering van alkoholverwante gesondheidsrisiko’s,
ingryping onder kwesbare groepe deur middel van
berading en rehabilitasie, die beklemtoning van die gevare van
drink-en-bestuur deur die Kom Veilig Daar-veldtog, veldtogte
gemik op voetgangers, verskaffing van opleiding aan lisensiehouers
om ’n kultuur van matigheid onder gebruikers te ontwikkel
en te vestig, en om alkoholgebruik deur minderjariges uit te skakel.
Die BVA is nou betrokke by die navorsing oor en bewusmaking
van die gevare van alkoholverwante siektes en het ’n sleutelrol
gespeel in die totstandkoming van die Stigting vir Alkoholverwantenavorsing
(SAN) in 1996. Die SAN, wie se administrasie
deur BVA befonds word, is gestasioneer by die mediese skole
van die Universiteit van Kaapstad en die Universiteit van die
Witwatersrand en staan onder voorsitterskap van die professor
in Menslike Genetika, professor Denis Viljoen. Professor Viljoen
spesialiseer in pediatrie en word beskou as ’n wêreldkenner op
die gebied van fetale alkoholsindroom (FAS).
Die SAN het ook ’n belangrike rol gespeel in navorsing oor die
voorkoms van FAS onder gemeenskappe in die land en die
verhouding tussen dié siekte en patrone van alkoholgebruik
onder swanger vroue.
Die SAN het in 2004 aan die voorpunt gestaan van die stigting
van die land se eerste FAS-ondersteuningsentrum en -tehuis in
De Aar, Noord-Kaap. Dié projek is gegrond op die navorsingsbevindinge
wat sedert die middel-negentigs ingewin is. Die Joan
Proaktief, professioneel en deur die
bevordering van klantediens eerbiedig hulle die behoeftes
van hul kollegas, wat net met lof van hulle praat. Hulle het
2 110 gebruikerondersteuningsoproepe gedurende
die oorsigjaar ontvang, 1 289 ontwikkelings- en ander
oproepe en het steeds daarin geslaag om die
nuwe primêre produksiestelsel
van stapel te stuur.
37
MAATSKAPLIK KORPORATIEWE VERANTWOORDELIKHEID