'n begeesterde span - Distell

aangestel met die bevordering van Nantha Moodley as direkteur
wat vir RTD’s verantwoordelik is. Die huidige vlak van swart
verteenwoordiging is steeds hoër as die gemiddelde vir
maatskappye genoteer op die JSE Bpk en dié in die voedselen-dranksektor.
Ofskoon die maatskappy se investering in
vaardigheidsontwikkeling beduidend hoër is as die gemiddelde
vir genoteerde maatskappye of vir die sektor, bly swart
verteenwoordiging op senior bestuursvlak steeds onvoldoende
en maatreëls is in plek om dit reg te stel deur geskikte kandidate
in die groep te vind deur Distell se Leierskapontwikkelingsprogram
(hieronder verduidelik) en deur eksterne werwing.
Voorkeurverkryging
Distell het ’n gevorderde beleid om SEB-verskaffers te
identifiseer en te ontwikkel. ’n Projek is tans aan die gang om die
hele verskaffersketting te analiseer en 55% van die totale
verskaffers is reeds geanaliseer. Die maatskappy het ontwikkelde
langtermynvennootskappe met ’n groot aantal van sy strategiese
verskaffers, veral die verskaffers van grondstowwe en
verpakkingsmateriaal met wie daar ’n uitgebreide gesamentlike
belegging in navorsing, ontwikkeling en toepassing is. In
dieselfde gees is Distell in noue samewerking met die verskaffers
om hul SEB-status te verbeter, indien nodig. ’n Belangrike nuwe
verwikkeling is dat daar van alle potensiële verskaffers verwag
word om te voldoen aan Distell se SEB-vereistes voordat
betrekkinge geformaliseer kan word.
Ondernemings, vaardigheidsontwikkeling en -oordrag
Papkuilsfontein-wynplaas
Papkuilsfontein-wynplaas, wat gesamentlik deur Distell, ’n konsortium
van Gautengse entrepreneurs en ’n gemeenskapstrust besit
word, verskaf druiwe aan Nederburg. Toe die plaas in 1998 gekoop
is, was die plan om 330 hektaar oor ’n 10-jaartydperk in wingerd te
omskep en ’n groot oorblywende gedeelte van die plaas vir
bewaring te oormerk. Na uitgebreide grondtoetse het dit aan die
lig gekom dat ’n verdere 40 hektaar wingerd geplant kan word.
Aangesien die vraag na druiwe vir die voorsiening van Nederburg
gestyg het, is die plantprogram van die aanvanklike 25/30 hektaar
per jaar versnel tot ongeveer 50 hektaar per jaar. Die vestiging van
die wingerd behoort dus in 2007 voltooi te wees.
DISTELL JAARVERSLAG 2005
Bestaande geboue op die plaas is opgegradeer om ’n gemeenskapsaal
en tweeslaapkamerhuise met elektrisiteit te skep, wat
nuwe standaa.rde in werkersbehuising vir permanente plaaswerkers
en hul gesinne gestel het.
Papkuilsfontein se huidige wynmaker, Adian Fry, is ’n wingerdboer
en wynkundige met ’n BSc-graad van die Universiteit van
Stellenbosch en het in Darling grootgeword. Sedert sy aanstelling
in 2003 werk hy nou saam met Nederburg se senior wingerdboere
en wynmakers en word hy ook opgelei in sakebestuur en leierskap.
Die maatskappy besit ook die handelsmerk Tukula, wat deur
Distell bemark word.
Durbanville Hills
Durbanville Hills, een van Distell se voorste wynhandelsmerke, is met
sukses in Suid-Afrika gevestig. Durbanville Hills ontwikkel tans ’n
internasionale teenwoordigheid in samewerking met die verspreidingsreus
Brown-Forman Wines, wat die handelsmerk in die VK en
die VSA verteenwoordig. Dié onderneming sluit ’n inisiatief vir vaardigheidsoordrag
aan plaaswerkers in. ’n Totaal van 50 000 aandele
(5% van die totaal) is ook aan ’n werkerstrust toegewys. Die trustees
word aangestel deur werkers van die agt plase wat deel vorm van
die Durbanville Hills-onderneming. Hierdie trustees besluit hoe die
aandele verdeel moet word en ook hoe dividende gebruik moet
word sodat dit tot voordeel van die werkers en hul gesinne
aangewend kan word. Om belangebotsing te voorkom mag trustees
nie self aandele opneem nie.
Benewens die kelderbedrywighede wat die kapasiteit het om
8 000 ton druiwe per jaar te verwerk, het Durbanville Hills ook
olyfbome aangeplant. Sodra die olyfbome (ongeveer 5 hektaar)
begin dra, sal dit onder kontrak geoes en verwerk word. Alle
opbrengste gaan aan die werkerstrust.
Bemagtiging van arm landelike gemeenskappe in
die Noord-Kaap
Distell en verskeie rolspelers in die wynbedryf het met ’n
bemagtigingsinisiatief begin wat gerig is op landelike gemeenskappe
in die Noord-Kaap. Dit is so gestruktureer dat die
gemeenskappe vaardighede sal aanleer waarmee ’n inkomste
41
MAATSKAPLIK KORPORATIEWE VERANTWOORDELIKHEID