Euskal sukaldaritzaz - Etxepare, Euskal Institutua

16 ATUN-MARMITAKOA
Saldarako:
½ kg. atun-azal eta hezur.
2 koilarakada handi oliba-olio birjina.
2 azenario, xafletan.
1 baratxuri-atal, zurituta.
1 tipula, txikituta.
1 porru, txikituta.
Ura.
Marmitakorako:
4 koilarakada oliba-olio birjina.
1 pipermorro gorri.
2 piper berde.
2 piper txorizeroren mamia, uretan beratuta.
1 tipulin, txiki-txiki eginda.
1 baratxuri-atal, txiki-txiki eginda.
4 patata handi samar.
Atun-marmitakoa / Marmitako de atún / Tuna Marmitako
1 kikara tomate-saltsa.
Osagai horiez gainera:
2 koilarakada oliba-olio birjina.
400 gr. atun, dadoetan ebakita.
Perrexila, xehatuta.
Gatza.
Salda egiteko:
Eltze batean, jarri su motelean azalak eta hezurrak oliotan.
Su bizian, gehitu barazkiak. Ondo estali urez. Bota
gatza, eta gogor irakin dezala 15 minutuz. Iragazi.
Marmitakoarekin jarraitzeko:
Eduki su motelean, 5 minutuz, piper eta tipulin xehatuak
oliotan. Gehitu baratxuria eta buelta batzuk eman.
Zuritu patatak, kraskatu pobrearen eran eta eduki su
motelean barazkien azpian minutu batzuez. Gehitu
tomate-saltsa eta berotu su motelean zenbait minutuz.
Ondo estali dena lehen egindako saldaz. Bota gatza eta
egosi su motelean, 20 bat minutuz, patata bere puntuan
samur geratzen den arte.
Bukatzeko, bota zartaginean bi koilarakada olio, eta
bero-bero dagoenean eman errealdi bat atun-dado
maneatuei. Bizkor egin azken pauso hori, arraina lehor
ez dadin. Ondoren, gehitu atun-dadoak patata egosiei.
Gatza behar izanez gero, bota gehiago, eta hautseztatu