Euskal sukaldaritzaz - Etxepare, Euskal Institutua
Euskal sukaldaritzaz - Etxepare, Euskal Institutua
Euskal sukaldaritzaz - Etxepare, Euskal Institutua
Create successful ePaper yourself
Turn your PDF publications into a flip-book with our unique Google optimized e-Paper software.
Memoriaren auzia<br />
sukaldaritzan<br />
La cuestión de la memoria<br />
en cocina<br />
The Question of Memory<br />
in Cooking<br />
Idatzi berri dut mundu osoak estimatzen duela gaur<br />
egungo sukaldariek egiten duten sukaldaritza berria.<br />
Baina, handietako batek, Hilario Arbelaitzek, 10 Oiartzungo<br />
Zuberoa jatetxekoak, honako galdera hau<br />
egin zuen behin: euskal sukaldariak betiko euskal<br />
sukaldaritzagatik ote dira ezagunak edo egin dituzten<br />
ekarriengatik eta berrikuntzegatik estimatzen ote<br />
dira?<br />
Arbelaitz da, nire ustez, memoriaren aitorpena esaten<br />
diogun horri gehien lotzen zaion sukaldaria. Hala<br />
ere, bera ondorio batera heltzen da, eta esaten du<br />
beste herrialdeetako jendeak halako estimu handitan<br />
baldin baditu euskal sukaldariak, arrazoi nagusia<br />
beren autore sukaldaritzan berritasuna, nobedadea,<br />
sartzen jakin izan dutelako dela. Hori bai, oso berritasun<br />
berezia da eta euskal sukaldaritza tradizionalarekin<br />
lotura estu-estua duen neurrian bakarrik da<br />
posible.<br />
Hala ere, ez dugu inor engainura eraman nahi. Iritzi<br />
bat baino ez da, jateko kontuez ari garenean, euskaldunen<br />
artean behinik behin, berritasuna ez baita<br />
beti ontzat hartzen. Imajinatzen dut gauza bera gertatuko<br />
dela beste lekuetan eta kulturetan ere; baina,<br />
egia esateko, hemen oraindik jende asko dago euskal<br />
sukaldaritza tradizionalari uko egin nahi ez diona.<br />
Jatetxe batera doazenean, ondo ezagutzen dutena,<br />
“betiko gauzak”, dastatzeko plazera berritu nahi dute<br />
beste behin, eta baztertu egiten dituzte jateko kontuetan<br />
berritasunak eragin ditzakeen esperientzia<br />
erradikalegiak.<br />
Baina, zergatik ibili behar ote dugu beti sukaldaritza<br />
berriaren eta tradizionalaren artean aukeratzen, batak<br />
bestea ukatuko balu legez? Galdera gehiago ere<br />
sortzen dira horren inguruan: nolakoa izan behar du<br />
sukaldaritzak, tradizionala dela esateko? Zer ezaugarri<br />
dauzka? Zein da bizitza osoan berdina eta aldaezina<br />
iruditu zaigun sukaldaritza hori, nahiz eta, jakina<br />
denez, etengabe eboluzionatuz eta garatuz doan?<br />
Orain dela 300 urtekoa ote? Edo duela 400 urtekoa?<br />
Zer esanahi ote du betiko sukaldaritzak? Beste