carroll, lewis - la aventuroj de alico en mirlando.pdf

104 LA AVENTUROJ DE ALICO EN MIRLANDO
kanti dormante “Brilu, brilu, brilu, brilu—”
kaj ĝi daŭrigis tiom longe ke ili devis
pinĉi ĝin por ĉesigi la sonon.
“Nu, mi apenaŭ finkantis la unuan
strofon,” diris la Ĉapelisto, “kiam la Reĝino
kriegis ‘Li murdas la tempojn! Dehaku
lian kapon!’”
“Terure sovaĝe!” kriis Alico.
“Kaj ekde tiam,” la Ĉapelisto pludiris
per morna tono, “li rifuzas ĉiun mian
peton! Estas ĉiam la sesa horo, nun.”
Bela ideo ekeniris la kapon de Alico.
“Ĉu tial estas tiom da teaĵoj ĉi tie?” ŝi
demandis.
“Jes, jen kial,” diris la Ĉapelisto,
ĝemante: “estas ĉiam la horo por tetrinkado,
kaj ne estas sufiĉa tempo por lavi la
telerojn inter trinksesioj.”
“Do vi konstante moviĝas al nova
pozicio, mi supozas?” diris Alico.
“Ĝuste tiel,” diris la Ĉapelisto: “kiam
la teleroj eluziĝas.”