carroll, lewis - la aventuroj de alico en mirlando.pdf

142 LA AVENTUROJ DE ALICO EN MIRLANDO
maro. La mastro estis maljuna Ĥelonio—ni
kutime nomis lin Testudo—”
“Kial vi nomis lin Testudo, se li ne estis
tio?” Alico demandis.
“Ni nomis lin Testudo ĉar li testis nin,”
diris la Falsĥelonio kolere; “vere vi estas
stulta!”
“Vi devus honti farante tiom simplan
demandon,” aldonis la Grifo; kaj ili ambaŭ
sidis silente kaj rigardis kompatindan Alicon,
kiu sentis sin preta subiĝi en la teron. Fine
la Grifo diris al la Falsĥelonio, “Plu rakontu,
oldulo! Ne perdu la tutan tagon!” kaj li
daŭrigis per ĉi tiuj vortoj:—
“Jes, ni studis en lernejo en la maro,
kvankam eble vi ne kredas tion—”
“Mi neniam diris ke mi ne kredas!”
interrompis Alico.
“Jes ja,” diris la Falsĥelonio.
“Ĉit!” aldonis la Grifo, antaŭ ol Alico
povis denove paroli. La Falsĥelonio daŭrigis.
“Ni ricevis la plej bonan edukon—efektive,