AFRIKAANS HUISTAAL - RUconnected

Kwartaal 4 – Week 5
114
100
Ons praat
Die kinders gaan kamp
Datum:
Wat is die groot verskil tussen soogdiere en reptiele?
Hoeveel reptiele kan jy opnoem?
Vertel die klas van ’n ontmoeting wat jy dalk met ’n reptiel gehad het.
Ons lees
Vusi loop reg agter sy maat Morné, wat besig is om die tentflap se rits af te trek. Vusi wip soos hy skrik
toe sy maat ’n bloedstollende gil laat hoor, en hy bots met Bongi, wat agter hom stap.
“S...s...slang!” skree Morné.
Vusi se pa, mnr Mosoma, kom van die kampvuur af aangehardloop. “Hoe seker is jy dis ’n slang?” vra
hy met ’n onderdrukte glimlag terwyl hy na die drie bewende kinders kyk.
“Sy tong flits in en uit, Pa, en hy lyk soos ’n yslike akkedis!” hyg Vusi.
“Wag julle almal asseblief net hier terwyl ek die flits uit die Jeep gaan haal. Dalk is dit nie ’n slang nie.”
Bongi raak aan Morné se skouer. “Hoe kan dit nie ’n slang wees nie? Weet julle van enige ander dier
wie se tong uit sy mond uitskiet?” vra sy.
Morné en Vusi skud hul koppe. Hulle het nie ’n verduideliking nie.
Mnr Mosoma keer terug met ’n flits in die een hand en ’n graaf in die ander. Hy roep vir Vusi na hom
toe.
“Vusi, hou die flits vir my sodat ek die graaf deeglik kan vasvat,” sê hy.
“Hoekom ek, Pa?” vra Vusi met ’n klein stemmetjie.
“Moenie bekommerd wees nie; ek sal eerste ingaan om die reptiel te soek.”