AFRIKAANS HUISTAAL - RUconnected

Kwartaal 3 – Week 1
66
4
Nelson Mandela gaan hoërskool toe
Ons lees
Toe ek sestien was, het oom Jongi my na die
Clarkebury-skool toe gestuur. Net soos my pa
het my oom geglo dat opvoeding baie belangrik is.
Clarkebury was ’n baie groter en beter skool as
Mqhekezweni. Die skool self het bestaan uit ’n groep van
ongeveer twee dosyn geboue in die koloniale styl.
Op die eerste skooldag het ek my nuwe stewels aangetrek. Terwyl ek met ’n swaar voetval met
my nuwe stewels oor die blink houtvloer die klaskamer ingeknars kom, merk ek op dat twee
meisies in die voorste ry my flou vertoning geamuseerd dophou. Later het ek een van daardie
meisies goed leer ken, en het sy my beste vriendin by Clarkebury geword.
Ek het gou aangepas in my nuwe lewe by Clarkebury. Ek het aan sport deelgeneem so dikwels
as ek kon, maar my prestasies was maar gemiddeld. Die meeste van my klasmaats kon vinniger
as ek hardloop en het beter as ek in die klas gevaar. Ek het baie gehad om in te haal.
Na my wankelrige begin het ek agtergekom hoe dinge
werk en kon ek my vordering versnel. Ek het die
junior sertifikaat (graad agt tot tien) binne
twee jaar, in plaas van die gebruiklike drie
jaar, voltooi. Ek het die reputasie gekry
dat ek iemand met ’n uitstekende
geheue is, maar eintlik was ek net ’n
harde werker.
Op die ouderdom van 21
het ek by die Fort Hareuniversiteitskollege
gaan
studeer. Maar dit is stories vir ’n
ander keer.
Datum: