AFRIKAANS HUISTAAL - RUconnected

Kwartaal 3 – Week 2 70
12
Ons lees
Wie eet ons boeke?
Mevrou Motha is net besig om gereed te maak om te
begin lees, toe die deur weer oopgaan en nog ’n
figuur met ’n skubberige kop wat heen en weer swaai,
ingestap kom.
“Is dit nie wonderlik nie!” sê een van die onderwysers.
“Dis die heel beste kostuum van almal!”
“O, kyk!” sê die kinders. “Dis ’n iguanodon.”
“Wel!” sê mevrou Motha. “’n Dinosourus!” Sy is ’n bietjie verbaas, want sy kan nie
onthou dat sy ’n dinosouruskostuum bestel het nie.
Die dinosourus hop na die kinders toe asof hy na iemand soek.
Toe merk hy vir Tumi op daar heel agter. Hy hop na Tumi toe en
skud sy hand. “Hallo!” sê Tumi.
Omdat die kinders nou die dinosourus se hand wil skud, stap
hy rond en hou sy skubberige poot vir almal om te skud. Dan
gaan die dinosourus langs Tumi sit. Hy gaap, sit sy kop op sy pote
en raak aan die slaap. Tumi probeer om mevrou Motha van die
dinosourus te vertel, maar sy wil hê dat hy moet wag totdat sy die
storie van die ysbeer klaar gelees het.
Tumi kan nie die storie klaar luister nie, want die eienaardigste
geluide kom van die kreatuur langs hom. Die dinosourus snork! Die
klank word harder en harder. Almal kyk om om te sien wat aangaan.
“Ignoreer hom net,” sê mevrou Motha.
Die storie is klaar en steeds slaap die dinosourus voort. Al die kinders staan op en begin na die
boeke kyk. Mevrou Motha is besig om die kinders ’n boek te wys, toe sy ’n stem agter haar hoor.
Dis die skoolhoof.
“Jammer,” sê die skoolhoof. “Ek het gemeen om vroeër
in te loer. Het alles goed gegaan? Ek sien die
kostuums het opgedaag.”
“Maar,” sê mevrou Motha, met ’n
verbaasde uitdrukking, “as dit nie
jy is in die dinosouruskostuum nie,
wie is dit dan?”
“Ek het probeer om julle te sê,”
sê Tumi. “Ek het geweet dis nie
iemand wat soos ’n dinosourus
aangetrek is nie.”
Datum:
Die iguanodon het
ongeveer 130 miljoen jaar
gelede geleef, het plante
geëet, en het ongeveer
2 000 kg geweeg. Hy was
byna 3 meter breed by sy
heupe en 6 tot 10 meters
hoog. Sy naam kom van die
feit dat sy tong soos dié van
die iguana-akkedis lyk.