AFRIKAANS HUISTAAL - RUconnected

Kwartaal 3 – Week 3
74
20
Ideëbank vir projek (1): die donkie
Ons lees
Lees hierdie inligting oor die donkie.
Die wilde voorouer van die donkie is die Afrika-wilde-esel. Die donkie of
esel (Equus africanus asinus) is ’n mak gemaakte lid van die Equidae- of
perdefamilie. Die manlike donkie word ’n hings genoem en die vroulike donkie
’n merrie. ’n Babadonkie wat nog nie ’n jaar oud is nie, noem ons ’n vul.
Donkies is ongeveer 5 000 jaar gelede vir die eerste keer as huisdiere gebruik
– dit beteken hulle het saam met mense begin woon. In daardie dae was dit
baie spesiaal om ’n donkie te hê, amper soos ’n luukse motor vandag. Hulle is
as pakdiere gebruik (om goed te dra) en ook as plaas-
en melkdiere.
Daar is vandag omtrent 44 miljoen donkies op die aarde. Hulle word tussen 30
en 50 jaar oud. Hulle grootte wissel van 97 tot 147 cm by die skouer.
Donkies het nie soveel ryk gras nodig soos perde nie, daarom kan hulle ook
lewe op plekke waar daar min of swak plantegroei is. Strooi en ’n bietjie
weiding sal ’n donkie gesond hou. Wanneer ’n donkie balk, kan jy die geluid
drie kilometer ver hoor. Hierdie harde geluid help hulle wanneer hulle ver van
mekaar afdwaal om kos te soek.
Datum: