AFRIKAANS HUISTAAL - RUconnected

Ons lees
Alle mense het kos, klere en skuiling nodig om aan die lewe te bly. Maar ons eet
nie dieselfde soorte kos nie. Ons dra nie dieselfde klere nie, en ons woon ook nie in
dieselfde soort huise nie. Ons gesinne is ook verskillend.
Chloe is ’n Eskimo. Sy is 8 jaar oud. Sy lewe in die noorde van Kanada. Sy en haar gesin
woon in die koudste deel van die wêreld en hulle dra klere wat van dierevelle gemaak
is om warm te bly. Hulle eet walvisvet en die vleis van bere en robbe. Die ryk vet in
hierdie kosse help hulle om hul liggaamshitte te behou. In die verlede het Eskimo’s in
sneeu-igloes of tente van dierevelle gewoon. Vandag woon hulle in verhitte huise.
John woon in Engeland. Hy is ook 8 jaar oud. Hy gaan al skool toe vandat
hy 3 is. Hy hou van vis en skyfies. Hy dra skooldrag en gaan in die somer
per fiets skool toe. Hy is mal oor sokker.
Ruth woon Israel, op ’n kibboets, ’n soort plaas. Ruth is 7 jaar oud. Op ’n
kibboets woon die ouers en kinders nie saam nie. Die ouers woon in ’n
huis vir volwassenes en die kinders bly in ’n kinderhuis. Ruth gaan op
die plaas skool en eet middagete by die skool.
Adel woon op ’n dorp in Maleisië. Die dorp het net een huis. Hulle
noem dit ’n lang huis, wat aan tot 50 gesinne ’n tuiste bied. Die
gesinne kies ’n hoof vir hulle groot huis.
Kwi is 7 jaar oud. Hy woon in die woestyn in Botswana. Hy is ’n lid van die Sanmense. Sy pa
jag wilde diere vir voedsel. Kwi sal na ’n koshuis toe gaan wanneer hy ouer is. Op die oomblik
leer hy sy geskiedenis deur die liedjies en stories wat sy familielede hom vertel.
Kofi kom van ’n dorpie in Ghana. Hy woon in ’n Asjanti-huis saam met
sy ma en sy ma se ma. In hierdie huis noem Kofi al die vroue “ma”, en is al
die kinders sy broers en susters.
Ons skryf Vul hierdie tabel in deur die inligting wat jy so pas gelees het te gebruik.
Naam en ouderdom Land Sy of haar kultuur
93