AFRIKAANS HUISTAAL - RUconnected

Kwartaal 3 – Week 2
69
10
Ons lees
Die biblioteekmonster
“Dis Boekeweek, kinders!” sê mevrou Maharaj. Tumi en die res van die klas sit regop, in hulle skik.
Boekeweek beteken kompetisies en uitstappies na die biblioteek op die dorp en baie stories.
“Hierdie jaar se Boekeweektema is wild,” sê mevrou Maharaj. “Ons gaan dus plakkate
maak en stories skryf oor diere wat bedreigde spesies is en in gevaar verkeer om
uit te sterf. Onthou julle dat ons verlede week hieroor gepraat het?” Sy wys na
prente wat teen die muur opgesit is.
“Sommige diere verkeer in gevaar omdat mense hulle jag vir hulle pels,”
sê Tumi, wat altyd alles weet. “En soms sterf hulle uit omdat hulle nie
die regte kos kan kry om te eet nie.”
“Jy’s reg, Tumi,” sê mevrou Maharaj. “Dus, kinders,” gaan sy
voort, “begin solank dink aan plakkate en stories oor hierdie
soorte diere.”
Tumi onthou die prentjie van die monster baie goed. Hy het
twee kort voorbene en ’n kort, baie dik stert. Aan sy pote is
vyf stomp tone. Hy het vyf vingers aan elke hand en ’n kort,
horingagtige duim. Die iguanodon eet plante – en enigiets
wat van plante gemaak is.
Al die skole van die omgewing neem deel aan die
dorpsbiblioteek se Boekeweek. Die afgelope weke het
die kinders reeds plakkate geteken en geverf, en dit
sal na die biblioteek gestuur word.
Toe die dag aanbreek waarop die plakkate en stories by die
biblioteek uitgestal moet word, klim Tumi se klas in die bus en ry
biblioteek toe. Dis ’n koue wintersdag en die wind waai.
Toe hulle daar aankom, is die heel eerste ding wat die kinders doen, om na hulle plakkate te
gaan soek.
Datum: