AFRIKAANS HUISTAAL - RUconnected

HABITAT: Suid-Afrikaanse renosters verkies grasvelde waar
daar nie te veel bome groei nie.
DIEET: Die renoster is ’n herbivoor. Hy eet gras, jong plante en
blare. Hy het nie tande voorin sy bek nie. In die plek daarvan
gebruik hy sy sterk voorkiestande en kiestande om die plantevoedsel fyn te maak.
DRATYD EN GEBOORTE : Die koei gee aan ’n enkele kalf
geboorte na ’n dratyd van 15 maande. Die kalf bly by
haar ma tot die volgende kalf se geboorte, ’n tydperk van
omtrent twee jaar. Babarenosters drink ’n jaar lank melk,
maar kan al na hulle eerste week gras eet. Renosterkoeie
kan elke 2,5 tot 4 jaar ’n kalf kry.
GEDRAG: Renosters lewe gewoonlik alleen. In dieretuine
word hulle in aparte hokke gehou. Renosters is snags en
soggens meer aktief as gedurende die res van die dag. Wanneer ’n kalf deur ’n roofdier bedreig
word, hardloop die koei in ’n kring om die kalf om haar te beskerm.
Renosters gebruik hulle horings nie net in gevegte oor ’n gebied of oor koeie nie, maar
ook om hulleself teen leeus, luiperds en hiënas te beskerm. Renosters kan ’n spoed
van 60 km per uur haal wanneer hulle hardloop. Hulle storm as hulle ’n reuk optel
waarvan hulle nie hou nie.
ROOFDIERE: Jong renosters kan deur leeus, krokodille en wildehonde aangeval
word, maar volwasse renosters is min diere se prooi, afgesien van mense.
Omdat renosters elke dag die watergate besoek, is dit maklik vir jagters om
hulle te skiet terwyl hulle water drink.
NUT VIR MENSE: Renosters is een van die Vyf Grotes onder die wilde diere en
speel dus ’n belangrike rol in die lok van toeriste na lande soos Suid-Afrika.
Ongelukkig word hulle gejag vir hulle horings. Omdat daar net ongeveer
17 500 witrenosters en omtrent 4 200 swartrenosters oor is, noem ons hulle
’n bedreigde spesie.
19