AFRIKAANS HUISTAAL - RUconnected

Kwartaal 4 – Week 6
118
108
Ons lees
15 Augustus 2008
Die ontdekking van Sediba
WIEG VAN DIE MENSDOM, Suid-Afrika -
Die negejarige Matthew Berger het een sonnige
oggend hier by Maropeng saam met sy hond, Tau,
deur die hoë gras gehardloop. Hy het oor ’n stomp
geval en toevallig ’n belangrike argeologiese
vonds gedoen. “Pa, ek het ’n fossiel gekry!” het
Matthew vir sy pa, dr Lee Berger, geskree.
Dr Berger was al 20 jaar lank besig om geraamtes
van ons antieke menslike voorsate te soek.
In sy hand het die jonge Matthew die oorblyfsel
gehou van ’n seun wat 1,27 meter lank was en
net ’n paar jaar ouer as Matthew toe hy dood
is. Toe dr Berger nader kom om te kyk waarom
Matthew hom roep, was hy verstom om te
sien sy seun staan met die sleutelbeen van ’n
hominied in sy hand. “Ek kon dit nie glo nie! Ek
was skoon duiselig,” het dr Berger later gesê.
“Ek was byna dood [van verbasing].”
KINDERNUUS
Skoolseun (9) ontdek per toeval die eerste mens
Ons gebruik
blokhakies [soos
dié] wanneer ons
iets byvoeg by
iemand se woorde
om die sin te
voltooi.
Dr Berger en sy
medenavorsers van
die Universiteit van
die Witwatersrand
in Johannesburg het
sedertdien nog dele
van die seun se skelet
gekry, insluitende sy
skedel. Hulle dink dit
is moontlik dat hy en
sy gesin water gesoek het en dat diere wat op
jag was hulle tot op ’n nou lysie gedwing het,
van waar hulle hulle in ’n skag van tussen 30 en
45 meter diep dood geval het.
Dr Berger en ’n span wetenskaplikes sê die
fossiel wys dat die seun aan ’n hominiede spesie
Datum:
behoort het. Hominiede is die voorsate van
menslike wesens en ander nabye verwante van
die menslike ras.
Die wetenskaplikes het die spesie Sediba
gedoop (dit is ’n Sotho-woord wat fontein of
fonteinwater beteken). Die spesie het regop
op hulle lang bene geloop, maar nog in bome
gelewe. Hulle het dieselfde kleinerige tande en
gesigsvorm as die moderne mens gehad, maar
die voete was primitief en die brein baie klein.
Wetenskaplike studies het getoon die Sedibaspesie
het tussen 1,78 miljoen en 1,95 miljoen
jaar gelede gelewe.