revânî dîvânı - e-Kitap

Rüstem durur zamânede her biri kılsa ceng
15 Su sepmez idi yüzine çarhun sitâreler
Hışmını görüben eger olmasa ‘aklı deng
Dest-i güher-feşânun ile tîğ-i âbdâr
Gûyâ ki bahr içinde turup seyr ider neheng
Sahrâ-yı kadrünün iremez intihâsına
Peyk-i zamâne ger ura bin yıl dahı şeleng
18 Nazmında çünki nâm-ı şerîfüni derc ider
Bulsa Revânî nazmun ile nola nâm ü neng
Bir kurı nazm ile iremez tab’ına hasûd
Hîç esb-i bâd-pâya ayakdaş ola mı leng
Bu nazm-ı dil-firîb ne terkîb olur ‘aceb
Hayrân olur gören anı gûyâ ki yidi beng
21 Şîrîn sözümle şekkere gark olur idi halk
Medhünde kâfiye eger olmasayıdı teng
Rengîn gazellerüm okuduğınca hûblar
Virür zamâne ruhlarına tâze tâze reng
Nice ki güller açıla gülzâr-ı çarhda
Nice ki bezm-i ‘ıyş ola halk içinde neng
24 Bezmünde âfitâb kadeh mey olup şafak
Bî-had ola sitâre gibi sâkiyân-ı şeng
15
- . - - / - . - - / - . - - / - . –
Kasîde der- Medh-i Sultân Bâyezîd
Yine gösterdi yed-i beyzâyı Mûsîvâr gül
Eyledi gülşen içinde mu’cize izhâr gül
‘Arş kandîlin gül-âbâ şîşe eylen oldı çün
Şeb-nem-i bâğ-ı cemâl-i Ahmed-i Muhtâr gül
3 Bâğda Kanber benefşe sûsen oldı Zülfekâr
Sürh-pûş olmış nitekim Haydar-ı Kerrâr gül
Gördügi dem goncanun baş çekdügini hırkaya
Şevkden çâk-ı girîbân itdi sûfîvâr gül
Şeb-nemün tesbîh-i billûrın seher alup ele
Bülbüle zulm itdügiçün eyler istiğfâr gül