revânî dîvânı - e-Kitap

39 Nazm-ı rengînüm ararsa nola her nazm ehli kim
Nahl-bend olan kimesne eyler istifsâr gül
Tâ şükûfe leşkerine ola sancakdâr serv
Tâ reyâhin hayline ola sipeh-sâlâr gül
Gün gibi ‘izzetde ol nice ki ‘âlemde ola
Sahn-ı gülşen âsümân encüm-i seyyâr gül
16
- - . / - . - . / . - - . / - . -
Kasîde der- Medh-i Sultân Selîm
Taht-ı zümürrüdîne geçüp nâ-gehân gül
Ezhâr içinde oldı şeh-i kâmrân gül
Hükminde goncanun nice olmaya ehl-i bâğ
Tâvûs kuyruğı ana urdı nişân-ı gül
3 Gün toğdı başına yine erbâb-ı ‘işretün
Kıldı çemende kendüyi çün kim ‘ayân gül
Reyhâncıdur ki tablası pürdür şükûfeden
Bâzâr-ı gülsitânda açupdur dükân gül
Gonca yatıkların yine alup kenârına
İçer güzeller ile mey-i erğavân gül
6 Elden komadı câmını ‘ıyş eyleyüp müdâm
Kodı cihanda Cem gibi nâm ü nişân gül
İskender-i zamâne durur şimdi ‘ıyş iden
Câm-ı cihân-nümâya dönüpdür hemân gül
Bülbül içün müferrih-i yâkûtı düzmese
La’lîn tabakda ezmez idi za’ferân gül
9 Şimdi çemende gülbüni Mecnûn sanur gören
K’olmış durur başında anun âşiyân gül
Gencîne olmasaydı eger künc-i bâğda
Ejder gibi olur mıdı âteş-feşân gül
Gonca degül durur görinen gülsitânda
Açmış du’â-yı devlet-i şâha dehân gül
12 Gülzâr-ı lutf-ı Hazret-i Sultân Selîm kim
Hulk-ı nesîmi ile tolupdur cihân gül
Bir dem ziyâfet itmege gülşende sen şehi