Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
Donibane kalean ere, portuko industria gunetik gertu, etxebizitza bloke ilara bat
zegoen, XX. mendearen hasierakoa, baina gaur egun haietako bloke bakarra
baino ez da geratzen. Nolanahi ere, eraikin garai horri arkitektura apalago baten
espiritua antzematen zaio: fatxaden antolaketa harmonikoa, baoen erritmo ordenatua,
aurrealde osoa apaintzen duten banda leunak eta balkoien forjatu interesgarriak.
Auzo berriak
XX. mendeko lehen hereneko
aldaketak xumeak izan ziren
arren –eraikin batzuk jaso eta
etxe eklektiko zenbait eraiki
ziren-, 40ko hamarkadatik aurrerako
auzo berriek erabat aldatu
zuten Lezoko herrigunea eta
etxebizitzen gunea.
Pysbe auzoa PYSBE eta Astilleros
Luzuriaga, SA enpresek
sustatu zituzten, beren langileei
etxebizitzak eskaini nahian.
Hain zuzen ere, 1949ko martxoan,
Federico Zappino Barkaiztegik,
bi enpresa horien izenean,
baimena eskatu zuen bi lantegietako
langileentzat etxebizitzak
eraikitzeko. Horretarako,
Lezoko udalerriko Arretxenea
baserriko lursailak erosiak zituzten
jada. Ignacio Mendizabal
Lujanbio arkitektoak idatzi zuen
proiektua, Etxebizitzaren Institutu
Nazionalaren etxebizitza
babestuei buruzko Legearen eta
Araudiaren arabera idatzi ere.
164 etxebizitza proiektutatu
ziren, eta Zappinoren hitzetan,
oso obra garrantzitsua zen udalerriarentzat,
haren ustez,
“1.000 biztanle gehiago” ekarriko
baitzituen Lezora, eta “munta
horretako lehendabiziko multzoa”
izango zen Gipuzkoan.
PYSBEko etxeak. Lezoko Udal Artxiboa.
118