Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
Zubitxoko haraska.
Hala eta guztiz ere, biztanleak ugaltzeak edateko uraren eskaera areagotu
zuen. Hala, 1958an Jose Maria Elosegi Amundarain ingeniariak beste ur biltegi
bat proiektatu zuen Lezorako. Proiektuan zioenez, Lezoko unibertsitateak ur hornidurako
arazo handiak zituen, eta proposatzen zuen ponpaketarako beste biltegi
bat eraikitzea eta edateko ura hartzeko hodiak hobetzea. Halaber, dokumentu
horretan adierazten zuenez, Lezok hainbat iturburu txikitatik hartzen zuen ura; ur
hori, hodi eta arketa sare baten bidez, hodi bakar batean biltzen zen, eta, era
berean, ponpa bat baliatuta, ur biltegiaren azpitik dagoen beste iturburu bateko
ura bidaltzen zen hodi bakar horretara. Garai hartan, ponpaketa txabola oso egoera
kaskarrean zegoen: ur ihesak zituen, besteak beste, eta berritu beharra zegoen
nahitaez. Proiektuaren arabera, asmoa zen 30 metro kubikoko biltegi bat eraikitzea,
oinplano laukizuzenekoa -5 x 3 m- eta 2 m-ko garaiera izango zuena.
Hormak harri eta hormigoizkoak izango ziren, eta 0,85 m-ko zabalera zuten.
Zorua ere 250 kg-ko hormigoizkoa zen, eta estalkia hormigoi armatuzkoa 111 .
1963an, ingeniari berak, probintziako bide eta obretako zuzendariordeak, beste
proiektu bat izenpetu zuen; haren arabera, ur bilketak hobetu eta Lezo edateko
urez hornitzeko biltegia zabalduko zen 112 . Helburua zen biltegiko ihesei edo
jarioei aurre egitea eta haren edukia zabaltzea. Horrenbestez, 153 m 3 -ko beste
biltegi bat erantsiko zioten lehendik zegoenari 113 .
111 AGG-GAO, JD S 35,3
112 AGG-GAO, JD S 274,4
113 AGG-GAO, JDS 13,4
107