Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
Arrapalaren malda %11 arte murriztu
zen. Burdinazko errailak zituzten
hiru bide eraiki eta motor elektrikoek
eragindako dibidietek mugitutako hiru
gurditxo jarri ziren. Instalazio berriak
150 tona pisatzen zuen. Arrapala
berriak 74,40 metroko luzera zuen;
horietatik 24 metro itsasbehera ekinokzialaren
azpian gelditzen ziren.
Arrapalen zabalera 37 metrokoa eta
25 metrokoa zen, eta ondorioz, ardatzetik
ardatzera 9 metroko tartea
zuten hiru bide jarri, eta 6 metroko eta
7,25 metroko bi espazio libre geratu
ziren bi alboetan. Bide bakoitzaren
goialdean maniobra etxola zegoen.
Halaber, 40,00 metroko zabalera eta
5 metroko sakonera zuen kanala
zuen ontzitegiaren ertzetik portuak
dragatutako kanaleraino.
Lehorrean lan egin zitekeen zatian,
bidea zuzenean jarri zen hormigoizko
bi blokeren gainean. Errailak, berriz,
blokeetan sartu ziren. 0,60 metroko
altuera eta 1,40 metroko zabalera
zuten bi bloke hauek 1,70 metroko
lodiera zuen harri-lubeta geruza batean
bermatzen ziren.
Hiru arrapaletako bakoitzerako,
gurditxo bikoitzak prestatu ziren.
Burdinazko pieza baten bidez elkartu
zitezkeen, eta bi gurditxoen tartea
aldakorra zen, ontzien tamainaren
araberakoa. Gurditxo bakoitzak lau
gurpil zituen, eta erlaitza, bidetik ez
irteteko. Gurditxo bakoitza maniobra
makinari lotuta zegoen kableen
bidez. Kable horiek, hainbat polipastotatik
igaro ondoren, gurditxoa igotzeko
behar zen trakzio esfortzuaren
seirenera murrizten zuten tentsioa 74 .
78
74 Pasaiako Portuko Agintaritzako Artxibategia, 3332