Jaitsi hemen liburu osoa - Lezoko Unibertsitateko Udala
Jaitsi hemen liburu osoa - Lezoko Unibertsitateko Udala
Jaitsi hemen liburu osoa - Lezoko Unibertsitateko Udala
Create successful ePaper yourself
Turn your PDF publications into a flip-book with our unique Google optimized e-Paper software.
Lezo: ondarea eta hiri garapena<br />
RICO 93<br />
Enpresa horren nabea ere 103. industrialdean dago. M.A. Goñi Romero eta<br />
F.J. Sarobe Pueyo izan ziren 60ko hamarkadan proiektuaz arduratu ziren arkitektoak.<br />
Nabea Iparretik Hegora zabaltzen da, egitura metalikoa duten hiru atariren<br />
bidez. Atariek 16 metroko argia dute, eta zutabeen arteko tartea 4,65 metrokoa<br />
da. Aipatutako egitura 7,50 metroko altuera duten hormigoi armatuzko atarien<br />
gainean bermatzen da. Zutabeen arteko tartea 4,65 metrokoa da inguruko atarietan,<br />
eta 9,30 metrokoa barruko atarietan, eraikina barrutik ahalik eta gardenen<br />
izateko. Proiektuaren arabera, atariak gai ziren 24.000 tonako zubi-garabiei eusteko.<br />
Alboetako paretak hormigoizko blokeekin daude eginak, eta zokalo modura<br />
ezarritako txarrantxa habeak dituzte euskarri. Iparraldeko partean, lursailaren<br />
forma dela eta, atzeraemangune txiki batzuk egin ziren bulegoak kokatzeko.<br />
Horretarako, zapata habexkan aurrefabrikatutako forjatuak eta hormigoi armatuzko<br />
atariak erabili ziren. Hormak bistako adreiluzkoak dira, eta arotzeria, berriz,<br />
metalikoa 94 . Nabe hauetan Ramón Vizcaino, S.A. enpresa ere kokatu zen. Egun,<br />
Itsas Agentziaren instalazioak daude bertan.<br />
Sociedad Industrias y Abonos de Navarra 95<br />
Lehen aipatu dugun moduan, enpresa hori 1940an kokatu zen Lezon, azido<br />
sulfuriko kontzentratua egiteko. 60ko hamarkadan, produktu horren kontsumoak<br />
gora egin zuela ikusirik, instalazioak zabaltzea erabaki zuen. Hasieran, jakina,<br />
enpresak portuan jarraitu nahi izan zuen. Alabaina, portuko agintariek bertako<br />
kaiak zabaldu eta kai berri bat eraiki nahi zuten, eta, horretarako, lurrak desjabetu<br />
zituzten. Enpresak, orduan, beste kokaleku bat bilatu behar izan zuen.<br />
Bestalde, enpresaren instalazio zaharrak oso gertu zeuden hirigunetik, eta ez<br />
zuten industria mota horietarako finkatutako araudia betetzen. Araudi horren arabera,<br />
tarte jakin bat utzi behar zen horrelako instalazioen eta hirigunearen artean.<br />
Horiek horrela, enpresaren zuzendaritzak bere ekoizpena 103. industrialdera<br />
eramatea erabaki zuen. 1964ko <strong>Lezoko</strong> Plan Orokorrak industria astunera bideratu<br />
zuen 103. industrialdea. Garai hartako legediak eskatutako gutxieneko distantzia<br />
errespetatzeaz gain, portutik hurbil zegoen, eta hori ezinbestekoa zen<br />
lehengaiak eskuratzeko eta ekoizpena igortzeko.<br />
Azido sulfurikoko fabrikak eraikitzen zituzten hainbat enpresarekin hitz egin<br />
ondoren, Frankfurteko (Alemania) Lurgi etxea aukeratu zen proiektua gauzatzeko.<br />
Azido sulfurikoa egiteko, Bayer etxearen kontaktu bikoitza izeneko prozedura<br />
modernoa erabili zen.<br />
93 LUA, Hirigintza 20.2<br />
94 LUA, Hirigintza 2.5.3<br />
95 LUA, Hirigintza 655-07<br />
95
Change language