Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
Jamotenea etxea.
Kale Nagusia, 16.
Etxe hau ere Erdi Aroko txanteltzearen
ondorio da. Izenak
Jamot kapitainarekin harremana
dauka; alegia, 1582. urtean frantsesen
aurkako itsas-batailan
garaile irten zenarekin. Etxe
arteko eraikina dugu, bi isurkiko
estalkikoa. Teilatu gailurra fatxada
nagusiarekiko paraleloa du.
Halaber, oinplano laukizuzenekoa
da, eta etxabeaz gain, beste
bi solairu dauzka. Beheko oinean
bi sarbide zuzen ikus daitezke,
kareharrizko harlanduarekin
inguratuta. Lehenengo solairuan
hiru bao zabaltzen dira:
erdikoa karelduna da, eta albokoak
laukizuzenak eta erlaizdunak.
Solairuen artean XVI. mendeko
armarri obalatua aurkitzen Jamotenea.
dugu, zeinak bi ohorezko kantoi
baititu. Bigarren solairuan, hiru bao laukizuzen eta erlaitz-dunak irekitzen dira.
Azkenik, harrizko moldurak eta teilatu-hegalak jartzen diote errematea fatxadari.
Lehengo eta bigarren solairuak harlanduzkoak dira, eta, sarbideko inguruko harlandua
salbu, etxabe osoa betegarririk gabeko har-langaitzezkoa da.
Andreone etxea
Eraikin exentua da, oinplano laukizuzenekoa, lau isurkiko estalkia dauzka, eta
eraikinaren kantoi bakoitzaren gainean, erremate gisa, lau floroi txiki.
Donibaneko bidea hasten den lekuan dago, kale nagusiaren amaieran. Etxabea
eta beste bi solairu dauzka. Bigarren solairuko baoen artean XVIII. mendeko
armarri laurdendu barroko handia ikus daiteke. Fatxada nagusia eta izkinak harearrizko
landuzkoak dira. Alboetako fatxadetan beranduagoko aldaketak atzeman
daitezke. Haren kokapen pribilegiatuari esker, mugarri bilakatu da eraikin hau,
batez ere ingurukoen etengabeko aldaketak kontuan hartuta.
Pantxikatxiki etxeak, kale nagusiko 20. zenbakian, oinplano estu eta luzanga
du; estalkia bi isurkikoa da, eta teilatu gailurra fatxadarekiko paraleloa; badu,
halaber, hegada bikoitzeko ezproia, eta 22. zenbakiko etxearekiko banaketa egi-
47