Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
Oinplano laukizuzena eta angeluko ezproi irtenak dituzten baserrien artean,
Bordatxo da agian adibiderik esanguratsuena. Bi solairu eta teilatupea dauzka, eta
bao batzuetan silarrizko kateekin osatutako inguruak. Dena den, entokadurek eta
fatxada nagusiko hormigoizko balkoi jarraituek jatorriko eraikinaren izpiritua nabarmen
desitxuratzen dute. Baserri hau ere aipatzen da 1652. urteko dokumentuan.
42
Bordatxo baserria.
Bada beste tipologia bat ere: oinplano laukizuzena, solairuetan sakoneko garapena
eta fatxada nagusia babesteko haize babes moduan luzatzen diren alboetako
hormak dituzte baserri horiek. Sail horretakoa izan daitezke Peliar,
Alarguntza goikoa eta baita Larraka baserria ere, birmoldaketa sakonak jasan
dituzten arren.
Itsua erdikoan, alboetako fatxaden arteko horma sendoen artean –ez dago ia
baorik (saietera bakan batzuk kenduta) haietan- fatxada nagusiaren erdiko gorputza
dugu, ataripearen gainetik abiatuta.
Miura izan daiteke gurean baserri neoklasikoaren ereduetako bat. Haren aurreko
eraikina sute batek erre zuen 1813an, eta bertan altxatu zuten gaur egun ezagutzen
duguna. Oinplano laukizuzenekoa da, bi isurkiko teilatua du, eta haren
gailurra fatxada nagusiarekiko perpendikularra da. Harlangaitzezkoa da, eta
eskantzua eta baoen inguruak harlanduzkoak. Eranskinak eta entokadura izanagatik,
eraikin klasizista interesgarria dugu.