Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
Andres Parayueloren baratokian. Pasaiako Portuko Agintaritzaren argazki-artxiboa.
80
Almacenes de Lezo-Pasajes dugu Lezoko portualdean kokatu zen bigarren
enpresa. Enpresa horren presidente Félix Gorospek, 1920an, Sustapen ministroari
baimena eskatu zion Oiartzun ibaiaren elkargunean kai bat eraikitzeko, aipatutako
sozietatearen zerbitzu partikularrerako. Proiektuaz arduratu zen ingeniaria
Victor Pradera izan zen. Gipuzkoako Herri Lanen Buru Javier Olazabal ingeniariaren
hitzetan, kaiak zementu armatuzko piloteak izango lituzke, eta 97 metroko
luzeera izango luke, Sozietatearen jabetzaren ipar-ekialdeko angelutik hasita
mendebalderaino. Mutur horretatik beste kai bat abiatuko zen, Oiartzun ibaiaren
norabidearekiko paralelo, eta Real Compañía Asturiana enpresaren murruraino
41 metroko luzeera izango zuen. Horiek horrela, Sozietateak 300 metro koadroko
eremua izango luke biltegien edo industrien salgaien zama lanetarako.
1922an, José María Seminario ingeniariak, aipatutako Sozietatearen izenean,
proiektu bat idatzi zuen kai bat eraikitzeko Pasaiako badiak eta Oiartzun ibaiak
bat egiten zuten gunean. Kai berria Real Compañía Asturiana enpresaren aurrean
eraikiko zen. Kaiak bi gune izango zituen: batean hondarra eta lohia nabarmentzen
zen, eta bestean arroka. Hori dela eta, gune bakoitzaren zimendatzea
ezberdina izango zen. Zimenduak zuzenean jar zitezkeen tokietan harrizko hormak
erabiliko ziren, eta gainerako lekuetan hormigoia. Hormigoizko obran, bi
lerroren ordez, hiru pilote lerro jartzea proposatu zen, kuboa arintzeko eta lanak
errazteko. Hormigoizko kaian, Norteko Trenbidearen Konpainiaren bi burdinbide
egokitu ziren, zabalera arruntekoak. Kaiaren bazterrean zegoena garabiak erabiltzen
zuen, eta bigarrena piloteen hirugarren lerroaren gainean zegoen.