Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
go ziren; bi solairuko eraikinak ziren, eta haietako bakoitzean, bina etxebizitza,
zeinek lau gela, jangela, sukaldea eta komuna baitzituzten; bloke horiek, gainera,
lorategiak izango zituzten. Ondoren, lantegiko langile arruntentzako blokeak
deskribatzen dira proiektuan: haientzat, lau logeladun etxebizitzetako lau bloke
eraikiko ziren, eta hiru logeladun etxebizitzetako zortzi bloke. Lau logelakoak B,
B ekonomatudunak eta C motakoak ziren –hiru solairuko blokeak ziren azken
horiek, eta orientazio desberdina zuten-; azkenak, berriz, E blokean egongo
ziren, eta hiru gela, sukalde-jantokia eta dutxa zituzten.
Proiektuaren arabera, langileentzako etxebizitza horretako bakoitzak 50-60
m 2 -ko lursail txiki bat izango zuen, etxe bakoitzeko baratze txiki bat egon zedin.
PYSBEk eta Luzuriagak eraikitako etxeak.
Fatxadetako hormak eta haien zimenduak harrizkoak izango ziren, erraza baitzen
bertako harria lortzea. Era berean, zutikoak hormigoi armatuzkoak izango
ziren lehendabiziko solairuko etxebizitzako zoruraino. Hortik gorako zutabe,
habe eta habexkek zurezkoak izango ziren, eta halaber estalkiko egitura; teilatua
hodi teilarekin estaliko zen.
Memorian ez da aipatzen beste instalazio edo eraikinik, baina, planoen arabera,
proiektuan neskato eta mutikoen eskola eta are frontoia eraikitzea aurreikusten
zen 123 .
120
123 LUA, Hirigintza 1-26