Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
Barrualdeak elementu interesgarri ugari biltzen ditu: esaterako, kareharriz
egindako ponte xumea. Pittin bat goratutako esferaerdi formako bataiarri honek
oin zilindro txiki bat du euskarri, eta haren edergarri bakarrak goiko ertzean daude:
zerra hortz tankerako banda pare bat, hain zuzen.
Eskultura elementuei dagokionez, ondorengo hauek dira nabarmenenak:
- Ehorzketa Santuaren eskultura multzoa
Harrizko lan honen lehen planoan Kristo datza, eta haren ondoan gizon santuak
daude, pasioaren ikur diren koroa, kurrikak eta mailua eskutan dutela.
Bigarren mailan, Kristoren ama, San Joan eta Maria Magdalenaren ondoan, eta
bi aingeru. Konposizio xalo honetan, Amabirjinaren irudia eta Kristoren gorputz
etzana diagonal leunean agertzen dira, bertikalean antolatzen diren gainerako
irudien kontrapuntu gisa. M. Asuncion Arrazolaren iritziz, baliteke multzo hori XVI.
mendekoa 6 bide den antzinako erretaula batekoa izatea.
- Sagrario exentua
San Joan Bataiatzailearen parrokia eliza. Gargolak.
Sagrario hau podiumaren gainean
dago, eta bi gorputzeko
tenplete modukoa da. Bere
arkitekturak Errenazimentuko
elementuak dakarzkigu gogora,
hala nola erromes maskorrekin
hornitutako erdi puntuko arku
formako nitxoak eta ordena
klasikoen zantzuak. Eskultura
egitasmoa, Errenazimentuko
kutsu nabarmenekoa hau ere,
Kristoren heriotzaren eta berpizkundearen
gaietan oinarritzen
da. Goiko ertzean 7 , kumeak
bere odolarekin elikatzeko
bularra urratzen duen pelikanoak
–Kristok gurutzean egindako
sakrifizioaren ikurrak– borobiltzen
du obra. Sagrario tenplete
hau estilo platereskoaren 8 baitan
koka daiteke.
6 ARRAZOLA, M A.: Renacimiento en Guipúzcoa. Escultura. II. Liburukia, 1988, 308. or.
7 HALL,J.: Diccionario de temas y símbolos artísticos, 1996.
8 LECUONA, M.: El arte en Guipúzcoa, 320. or.
25