Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
arkupeduna da, arku karpanelez osatutakoa. Lehenengo solairuak leihoak ditu;
bigarrenak, berriz, itxura nobleena duenak, balkoi irtena du alderik alde, mentsuletan
bermatuta. Baranda burdina forjatuzkoa da. Balkoiaren aldeetan sarbidea
dago, eta erdi-erdian Unibertsitatearen armarria. Fatxadaren errematean harrizko
erlaitzak eta hegala ditu, baina azken hori berriagoa, dirudienez. Gailurraren
gainean, gorputz laukizuzen txiki bat dago, eta bertan ordularia eta haize orratza.
Etxabean, bi gorputz erantsi ziren beranduago, udal bulegoetarako.
Zabala enea etxea
Eraikin honetara harmailadi batetik barrena iristen da, eta plazaren fronteetako
bat osatzen du Paskual enearekin batera. Bi eraikin exentu hauei alondegia gehitu
zitzaion, zeina Ramon Kortazar arkitektoak XX. mendean eraiki baitzuen. Hala
eta guztiz ere, jatorrizko fatxada da geratzen den gauza bakarra. Zur tailatuzko
hegal batean bukatzen da fatxada hori. Etxabeko bi sarbideetako ateburuen gainean
IHS eta gurutze bat grabatuta daude.
Paskual enea etxea
Oinplano laukizuzena du, bi isurkiko estalkia, eta teilatu gailurra fatxada nagusiarekiko
paraleloa. Etxabea eta hiru solairu ditu, eta fatxada nagusia eraikitzeko
hareharri landua erabili zuten. Goiko solairuan izan ezik, baoak ebaki ederrez
inguratuta daude. Beheko solairuan bi sarrera zuzen ikusten ditugu, eta goiko
bizitzan, berriz, balkoi irten eta jarraituak fatxadaren alderik alde, mentsulatan
bermatuta eta burdin forjatuzko barandak dituztela. Hirugarren solairuaren erdian
armarri handi samarra dago.
1926ko Paskualenearen erreforma. Gaxpar Sarasuaren etxea zen. Lezoko Udal Artxiboa.
49