Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
Esteban Orbegozo S.A. eta Fundiciones Lezo S.A. (1969. Paisajes Españoles). Egun Algeposa eta
Coini direnak. Lezoko Udala.
Era berean, txatarrerako nabea, labeen nabea eta galdaketarako nabea eraiki
ziren. Estalki osoa fibrozementuzkoa da, txapazko zati txiki bat izan ezik. Alboko
hormak bistako adreiluzkoak dira 84 .
80ko hamarkadan Orbegozo (Aceros Corrugados, S.A.) enpresa itxi zen,
industria birmoldaketak zuzenean eragin baitzion. Enpresaren egoera zaila eta
313 langileen kezka nabaria zen jada 1986an 85 .
Egun, Orbegozo enpresaren ia instalazio guztiak kontserbatzen dira. Ekoizpen
nabe zaharrak Algeposak eskuratu ditu. Orain, ordea, ez da ingeniarien arkitektura
lan ikaragarria ikusten, txapa metalikoz estalita baitaude. Dena den, arkitektura
hori oraindik atzeman daiteke nabeen funtzionaltasunean eta dekorazio elementuen
gabezian, egitura metalikoa eta adreiluzko hormak baino ez baitituzte.
Eraikin osagarriak ere ikus daitezke, hala nola, jantokia, ageriko hormigoizko egitura
eta adreiluzko paretak dituena. Urrutiago, enpresaren ur depositua dago.
Eraikin eta nabe horiek hainbat erabilerari erantzuteko gai den arkitektura mota
horren ahalmen eta aldakortasun handiaren adibide dira, eta 60ko hamarkadako
industrializazio basati hura ekartzen digute gogora.
90
84 LUA, 67.1
85 A.J.L.: “Lezon Orbegozo ixteko zorian”. Aske. Lezoko aldizkaria. 3. zk. 1986ko ekaina. 29-30. or.