Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
Iparragirreko ur depositua.
20ko hamarkadatik aurrera, biztanleak eta industria jarduerak ugaldu zirenez,
edateko uraren eskaera ere areagotu zen, eta horren ondorioz, Lezoko ur horniduraren
sarea zabaldu eta hainbat hobekuntza egin behar izan ziren bertan.
1923an, Gumersindo Bireben ingeniariak idatzi zituen Iparragirre errekaren iturburuak
biltzeko eta ur biltegira bideratzeko obren proiektua. Bi urte beranduago,
1925ean, ikuztegi berria behar zela konturatu ziren. Iparragirre errekan kokatu
zuten, Zubitxo zubitik 51,50 m-ra. Errekaren bi ertzen artean harrizko hormatxo
bat eraiki zuten, 0,50 m zabal eta 4 m luze; gehieneko garaiera ibilguaren gainean
0,60 m-koa zen, eta bazuen gainezkabidea eta garbiketarako konporta, 0,40
m-ko altueran. Hormatxo horrek biltzen zuen arropa garbitzeko ezinbesteko ura.
Hormatxo horren ezkerreko ertzean altuera bereko beste bat eraiki zuten; 1,9 m
luze zen, eta zabalera berekoa. Bertan zeuden arropa garbitzeko lauzak, 0,55 x
0,90 m-koak. 0,70 m zabaleko espazio txiki bat atondu zuten arropa garbitzaileentzat
aurreko hormatxoaren eta bidexka zedarritzen zuen 0,50 metro zabaleko
beste baten artean.
106