Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
Celaya, S.A. Persifal.
Gaintxurizketarako errepidearen albo batean, Lezoko hirigunetik gertu, Celaya,
S.A. enpresako zuzendari gerente Emilio Celaya Goyak pabilioi batzuk eraiki
zituen bere lurretan 1964an. Francisco Miner eta Fidel Barrena ingeniariak arduratu
ziren proiektua idazteaz. Celaya, S.A. enpresa Batinorm-Paris eraikuntza
metalikoen fabrikazio lizentzien jabea zen, eta Industria Sidero-Metalurgikoen
Zuzendari Nagusiak 2125. zenbakiarekin baimendutako hitzarmen bat sinatu
zuen aipatutako enpresarekin.
Hala, bi nabe hauek eraiki ziren Bationorm lizentziapean: Bata, luzea eta angeluzuzena,
84 metroko luzera, 15 metroko zabalera eta teilatuaren oinarriraino
9,20 metroko altuera zuena. Horri atxikita, beste nabe bat, hau ere luzea eta
angeluzuzena, baina 72 metroko luzera, 15 metroko zabalera eta 9,29 metroko
altuera zuen.
Nabeak estaltzeko, kontragoihabeetan bermatutako uralita erabili zen. Alboko eta
aurreko fatxadak erdiraino itxi ziren adreiluarekin, leihateetarako baoak izan ezik.
Hormigoi armatuzko zimenduak oso egokiak dira erresistentziari dagokionez;
hala, burdinarekin ainguratu ziren garabien kargak eta bultzadak jasan behar
zituzten zutabeetan 86 .
Minkura baserria eta Persifaleko zinbria. (1959. Paisajes Españoles). Lezoko Udala.
86 LUA, Hirigintza 4-30
91