Jaitsi hemen liburu osoa - Lezoko Unibertsitateko Udala

Lezo: ondarea eta hiri garapena
urteen artean. Trafiko eta erabilera indizeetatik abiatuta, portuak aurrera begira
beharko zituen kaiak eta instalazioak kalkulatu ziren. Kaia zabaltzeko hiru aukera
baino ez zeuden. Lehena babeserako kanpoko kai mutur bat eta Puntetan edo
Senekozuluan kanpoko kai bat eraikitzea zen, baina aukera hori oso garestia
zenez, baztertu egin zen. Bigarren aukera Herrerako kaia luzatzea zen. Alabaina,
lekua oso estua zen eta kalatu eskasekoa. Azkenean, Lezoko portualdea erabiltzea
erabaki zen, non jada hasiak ziren kaiak eraikitzen zentral termikorako. Lan
hauen xede nagusia zen kai berriak eraikitzea, Pasaiako portuak jasaten zuen
trafiko handiari erantzuteko.
84
Lezoko kaiak eraikitzen.
Horretarako, azido sulfurikoa ekoizten zuen Industrias y Abonos de Navarra
enpresa desjabetu eta eraitsi behar izan zen. Aserraderos de Lezo enpresaren
hainbat lursail ere desjabetu behar izan ziren. Baita Real Compañía Asturiana de
Minas lantegiak Oiartzun ibaiaren eskuinaldean okupatutakoak ere.
Behin lursailen arazoak konponduta, ministerioaren agindu baten bidez onartu
zen Lezoko kaien aurreproiektua. Bi kai -bakoitza fase batean- eraikitzea proposatu
zen: lehenak 845 metroko luzera izango zuen, eta bigarrenak 360 metroko
luzera eta 80 metroko zabalera. Kaiak Herreran erabilitako parametroen arabera
eraiki ziren.
Kai berriek muga egiten zuten Norteko trenbidearekin eta Lezoko etxeekin.
Ahalik eta luzera handiena bilatzeaz gain, itsasontzien maniobra erraztu eta
Oiartzun ibaiaren isurbidea oztopatzea saihestu nahi zen.
Hauek dira eraikitako azpiegiturak: