Nº 11
Nº 11
Nº 11
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
sos ideais. Foi unha época frustrante e moi difícil para min. Co tempo cheguei a sentir a sensación de<br />
engano que envolvía a escola e iso lévoo fatal.<br />
b) Coido que en A teima de Xan, un libro meu que quero moito, algo disto está aí reflectido.<br />
Os medos, a ocultación de diversos conceptos, os abusos de todo tipo, a pedagoxía destrozada, a marxinación<br />
dos que pensaban distinto, os silencios tensos... tantas e tantas cousas que cos anos chegaches<br />
a comprender, pero que te marcaron.<br />
3. Cales foron os teus heroes literarios na túa infancia e adolescencia? Coñecíchelos por medio da escola?<br />
A escola que sufrín eu vivía á marxe da literatura. Había que aprender longas retahílas de obras, vidas de<br />
escritores que non che dicían nada (malia a enorme valía que tiñan) e iso era a literatura na escola que<br />
eu lembro. Nunca limos un libro na clase. Que era iso? Eu pertenzo á cultura dos tebeos. Na miña casa<br />
había libros (algúns) para adornar. Os meus heroes foron «El Jabato», «El capitán Trueno» e, curiosamente,<br />
«Tom Sawyer» e «Huckleberry Finn» de Mark Twain, a quen coñecín nunha horrorosa edición de letra e<br />
cómic que alguén me agasallou. Gocei coas súa aventuras. Eu lía, claro, o cómic e cheguei a ser moi<br />
amigo de ambos os dous malia seren personaxes ben diferentes.<br />
Non tiven a sorte de que caesen nas miñas mans libros que me interesasen. Envexa que sinto das persoas<br />
que chegaron a gozar cos clásicos de aventuras. Eu non. Eu tería que decubrilos moito máis tarde.<br />
Agora, iso si, leo por todo o que non lera cando era novo.<br />
4. Se escribes/escribiches algo que a xente nova tamén pode ler, o teu traballo como escritor/a precisou<br />
dalgunha situación diferente a cando escribes algo que só poden gustar ou comprender os adultos?<br />
Eu escribo fundamentalmente para xente nova, aínda que teño cinco poemarios para adultos. Cada<br />
volta estou menos seguro cara onde van os meus libros. Tento escribir o que me gusta, o que sinto.<br />
Cústame poñerlles idades. Procuro que dentro do mesmo libro haxa diversos niveis para que se poida<br />
facer a verdadeira lectura, que para min é a relectura. Gústame que a xente nova se mergulle en<br />
todos os temas que os rodean. E que o fagan con espírito crítico e reflexivo se pode ser.<br />
A diferenza entre o adulto e o xove, quizais estea máis ben no vocabulario utilizado, certo ton<br />
narrativo/poético e algunhas estruturas máis complexas. É dicir, na madurez tanto psicolóxica coma<br />
lectora. Pero, en esencia, parto do mesmo para chegar a un mesmo lugar.<br />
5. Que pensas das lecturas obrigadas nas escola? Cres que son un bon método para facer lectores?<br />
Quizais non, quizais si. O que é fundamental é que o/a mediador/a na escola saiba o que trae entre<br />
mans. Que saiba buscar libros suxestivos, que coñeza o que se publica, que cree ambiente lector na<br />
clase, que sexa auténtico, que crea no que fai, que contaxie. Aínda así, non se pode garantir nada.<br />
Cada vez resulta máis difícil que os nenos/as lean. O que non se pode facer é prescribir sen criterios, de<br />
oídas e sen lelo ti antes. De todos os xeitos, a lectura esixe un esforzo e un pouco hai que forzar dunha<br />
maneira sutil. E non nos esquezamos, hoxe en día existe un amplo abano de libros para escoller ben.<br />
6. Tes algunha idea ou suxestión para estimular a lectura dende a escola?<br />
Coido que co que expuxen anteriormente a pregunta case está contestada. Para min haberá que crear<br />
un ambiente idóneo, onde a palabra sexa o centro. Ten que existir un ambiente lector no que o libro<br />
teña vida; haberá que ler en voz alta, facer lectura silenciosa, provocar o interese na lectura dalgún<br />
libro que enganche, falar de novidades, poñer nos taboleiros críticas... Un conxunto de feitos arredor<br />
da palabra literaria.<br />
E, por suposto, establecer un vínculo entre lectura e escrita. Os nenos escribirán a partir de detonantes<br />
literarios (para fuxir do medo ó papel en branco) que os estimulen a crear por escrito. Un bo xeito de<br />
chegar á lectura pode ser a creación escrita e viceversa. Non hai fórmulas máxicas. Eu penso que o<br />
enfoque debe de ir por aí.<br />
7. Cultura, educación lingua, literatura... son fungueiros do mesmo carro. Cres que o escritor galego debe<br />
escribir en galego? Os escritores galegos que escriben en español, fan literatura galega?<br />
Eu creo que temos un compromiso claro coa lingua galega. Sabemos das dificultades que está a padecer.<br />
E debemos de ser conscientes diso. A nosa lingua, a nosa educación, a nosa cultura necesítannos.<br />
12<br />
IDEA 2005