Nº 11
Nº 11
Nº 11
Create successful ePaper yourself
Turn your PDF publications into a flip-book with our unique Google optimized e-Paper software.
fenómenos que obvio por non alongarme,<br />
coido axudarán a comprender a situación educativa<br />
mugardesa e as súas semellanzas e diferenzas<br />
con outras áreas.<br />
Primeiro.- Mugardos ten na ría de Ferrol unha<br />
situación que, existindo daquela unha fluída<br />
rede de comunicacións marítimas de pasaxe<br />
entre as ramplas de Mugardos e O Seixo coas<br />
de Ferrol e Coruña, poñía a vila na ruta de Ares<br />
e O Seixo na de Pontedeume. No 1913 quedou<br />
inaugurada a liña ferroviaria Ferrol-Betanzos,<br />
cunha estación dentro do termo municipal,<br />
aínda que certamente excéntrica. Dende<br />
1912 existía liña telegráfica e dende 1924 telefónica.<br />
Segundo.- Mugardos tiña unha elevada densidade<br />
de poboación, pois en só doce quilómetros<br />
cadrados había 6.739 habitantes "de dereito"<br />
no ano 1900, que eran 7.401 no ano 1910,<br />
7.514 no ano 1920, 7.487 no ano 1925, 8.147 no<br />
ano 1930, 8.396 no ano 1935...; alta presión<br />
demográfica que xeraba unha importante<br />
emigración, especialmente a Cuba.<br />
Terceiro.- A economía mugardesa baseábase<br />
no tempo que analizamos no traballo agrícola<br />
e mariñeiro, nas remesas dos emigrantes, pero<br />
tamén nunha forte vocación laboral cara aos<br />
Arsenais, estaleiros e á Armada, uns organismos<br />
por certo con escolas propias, ás que sumar o<br />
activísimo "Centro Obrero de Cultura", que<br />
dende o ano 19<strong>11</strong> existía en Ferrol, e a creación<br />
no curso escolar 1927-1928 dun Instituto de<br />
Ensino Medio nesa cidade.<br />
Cuarto.- Xa temos anotado noutros lugares que<br />
en Mugardos, O Seixo, Franza, San Xoán...,<br />
houbo un temperán e potente asociacionismo<br />
agrario, sindical, educativo e recreativo, fortificado<br />
humana e ideoloxicamente polas idas e<br />
vindas de emigrantes e mariñeiros e por aqueles<br />
veciños que eran traballadores dos estaleiros<br />
ferroláns. Asemade, ás estructuras partidarias<br />
caciquís do turnismo da Restauración que<br />
inmobilizou a vida política dende 1885 a 1923,<br />
opúñanse circiamente -e cun certo éxito electoral<br />
na década 1910-1920- agrupacións nos<br />
seus comezos solidarias, a pouco republicanas<br />
e da esquerda proletaria.<br />
2.- O eido educativo en Mugardos<br />
Debemos dividir esta aproximación en varias etapas,<br />
por razóns que irán destacando nos seus<br />
lugares.<br />
140<br />
A primeira xeira que podemos documentar<br />
comeza no ano 1848, cando, seguindo a normativa<br />
gobernamental, a corporación mugardesa<br />
reactivou a entón denominada "Comisión<br />
de Instrucción Primaria" competente só no ensino<br />
público e preocupada fundamentalmente<br />
polas cuestións económicas, pois aos concellos<br />
correspondía abonar os salarios ao profesorado<br />
e o mantemento, propiedade ou aluguer dos<br />
locais escolares, daquela só unha escola de<br />
nenos e outra de nenas no distrito escolar formado<br />
pola capital municipal e a parroquia de<br />
Meá, e outras dúas semellantes para un segundo<br />
distrito que abranguía as parroquias de San<br />
Xoán de Piñeiro e Santiago de Franza. Desta primeira<br />
xeira coñecemos pola documentación<br />
que na escola da capital municipal no 1849<br />
estaba de mestre Andrés López con 66 nenos e<br />
<strong>11</strong> nenas, mentres que a escola de Franza, con<br />
56 nenos e 13 nenas, estaba rexida por José<br />
Carlos Díaz, de quen, curiosamente, sendo o<br />
local escolar de propiedade parroquial católica,<br />
anotan era "evangelista", supomos que de<br />
relixión e non de profesión ...<br />
Dende a promulgación no ano 1857 da coñecida<br />
como Lei Moyano, aquel organismo pasou<br />
denominarse "Junta Local de Primera<br />
Enseñanza" cunha divagante, escasa e desigual<br />
actividade, que a pouca documentación recolle<br />
como unha case exclusiva preocupación<br />
pola dotación orzamentaria das escolas, e<br />
dende 1874, asemade, e sen que saibamos os<br />
motivos aínda supondo eran froito da<br />
Restauración monárquica e do centralismo,<br />
pola defensa dunha rigurosísima ortodoxia católica<br />
e da unidade da patria española, destacando<br />
nese senso, sendo alcalde Pablo Gómez<br />
no 1880, a promulgación dunha normativa<br />
escolar que, entre cuestións prácticas como os<br />
horarios, os exames e a limpeza, sinalaba taxativamente<br />
no seu art. 7 "Que se prohiba a los<br />
niños hablar el dialecto gallego en la escuela,<br />
debiendo hacerlo en lengua castellana, que es<br />
la española", nada menos..., aínda que o ensino<br />
desgaleguizara ben poucos rapaces, xa que no<br />
ano 1898, dos case oitocentos mugardeses en<br />
idade escolar, só asistían á escola pública 98<br />
nenos e 84 nenas en Mugardos-Meá, debendo<br />
concorrer 48 nenos e 40 nenas de Franza-San<br />
Xoán á escola situada na casoupa inmediata á<br />
igrexa parroquial de Santiago de Franza e que<br />
rexía o mestre Francisco Pita Pena dende había<br />
dezaoito anos e canto menos até o ano 1914.<br />
A segunda xeira, ben interesante, comeza no<br />
1900, ano da creación gobernamental do<br />
Ministerio de Instrucción Pública. Procedía en<br />
IDEA 2005