Nº 11
Nº 11
Nº 11
Create successful ePaper yourself
Turn your PDF publications into a flip-book with our unique Google optimized e-Paper software.
EEsculcar nos arquivos é a miúdo tarefa ingrata:<br />
fondos perdidos ou que están mal clasificados,<br />
documentos desaparecidos, censurados ou<br />
"secuestrados", locais inhóspitos, desleixo institucional,<br />
carencia de persoal, e, como máis<br />
desagradable, persoas antipáticas ao seu frente.<br />
Mais noutras ocasións -cada vez máis- quen<br />
investiga é atendido eficaz e cordialmente nun<br />
espacio cómodo, e con ledicia atopa aquelo<br />
que percura. Son coñecedor de moitos arquivos<br />
por mor de documentar os estudos históricos<br />
dos que me teño ocupado, especialmente<br />
botei moitas horas nos arquivos militares de<br />
Ferrol e Coruña e nos dos concellos de Ares,<br />
Cabanas, A Capela, Fene, Miño, Monfero,<br />
Mugardos, Pontedeume e Vilarmaior; nestes<br />
arquivos municipais hai material abondo, xeralmente<br />
moi descoñecido e pouco estudiado,<br />
que pola súa proximidade local permite coñecer<br />
en profundidade como era/é a poboación,<br />
a sociedade e, xa que logo, o país; asemade,<br />
ás veces teño atopado neles documentos<br />
e informacións que constitúen autenticos<br />
tesouros para o investigador, alegría esta que<br />
gratifica a tan a miúdo árida e erma labor de<br />
moitas revisións. Nalgún caso a humidade<br />
esborranchara os libros de actas, noutros<br />
houbo substraccións e perdas documentais,<br />
pero é de xustiza loubar o eficaz sistema de<br />
ordeamento e clasificación que está a ser aplicado,<br />
e a profesionalidade de quen atende<br />
estes arquivos (David e Mercedes no caso de<br />
Mugardos, superando con boa vontade problemas<br />
de espazo e desgraciadamente con<br />
IDEA 2005<br />
Escola e Sociedade<br />
Mugardos<br />
I.- 1848-1931<br />
Bernardo Máiz Vázquez,<br />
historiador e profesor do IES Concepción Arenal. Ferrol.<br />
contrato temporal), reclamando eu dende<br />
eiquí para eles o recoñecemento e estabilidade<br />
laboral que merecen, pois de non ser polo<br />
seu labor, moito do traballo do historiador sería<br />
imposible.<br />
1.- Mugardos, na outra banda...<br />
Estando a realizar un estudio sobre a evolución<br />
política, sindical e social do territorio coñecido<br />
como "a outra banda" da ría de Ferrol (aclararei<br />
aos foráneos que esa definición corresponde<br />
á banda Sul da ría e até Cabanas e<br />
Pontedeume) na primeira metade do século<br />
XX, coido de interese extraer do que levo elaborado<br />
algúns aspectos referidos ao eido<br />
educativo, baseándome fundamentalmente<br />
en materiais arquivados en Mugardos e -<br />
menos- en informacións procuradas noutros<br />
lugares e nas memorias. Nesta ocasión, e por<br />
non cansar, presento só a evolución escolareducativa<br />
mugardesa anterior á Segunda<br />
República, deixando aquel "tempo de esperanza"<br />
democrática e de innovación pedagóxica<br />
para unha segunda entrega. De tódolos<br />
xeitos entre o material anexo ao escrito vai un<br />
"cadro" coa relación de mestres das escolas<br />
mugardesas dende 1849 até a desfeita do<br />
1936.<br />
Permítome desenvolver unhas reflexións de arredor<br />
do obxecto estudiado, pois a escola está<br />
sempre inserida nun conxunto social. Os factores<br />
que sinalo inmediatamente, con outros<br />
139