Nº 11
Nº 11
Nº 11
Create successful ePaper yourself
Turn your PDF publications into a flip-book with our unique Google optimized e-Paper software.
IDEA 2005<br />
O mestre García fariña cun grupo de alumnos.<br />
debuxo, fisioloxía, hixiene, ética y moral; comparemos<br />
coas do ensino público que recollemos<br />
dous parágrafos atrás), chocante todo por xunto<br />
coa ideoloxía dos sectores tradicionalmente<br />
afeitos ao control político e social. Sirvan como<br />
exemplo deses enfrontamentos os dous casos<br />
seguintes: no ano 1912 houbo un duro cruce de<br />
cartas e irtos artigos en prensa entre a directiva<br />
en Cuba da "Unión Mugardesa", avaliada polos<br />
seus socios de aquí, e Juan Francisco Martínez<br />
Domenech, alcalde saínte, termando o delegado<br />
local da sociedade (J.F.M., concelleiro, xornalista,<br />
escribinte municipal...) para conseguir<br />
unha avinza que está recollida nunha acta<br />
municipal do 4 de Agosto do ano citado.O<br />
segundo incidente produciuse no ano 1915,<br />
cando o párroco católico de Mugardos tronou<br />
dende o púlpito contra unha pequena subvención<br />
do Concello para esa biblioteca que vimos<br />
de citar, supondo habería entre os volumes<br />
algúns contra a doutrina da igrexa, respostándolle<br />
dende Unión Mugardesa que "en lo cultural<br />
esta asociación está abierta a todas las ideas";<br />
foron mestres na "Unión Mugardesa" Lino<br />
Irigoyen, Eduardo Fariña, Federico García e José<br />
García Fariña, este último longos anos. En maio<br />
do 1922 o mestre de obras Manuel Fontán comezou<br />
os traballos para a construcción dun grupo<br />
escolar propio da Unión Mugardesa, edificio que<br />
foi inaugurado no ano 1927, data que nos leva,<br />
pois, á seguinte etapa deste mugardés percorrido<br />
educativo, no que tamén deu os seus froitos<br />
a obra da "Institución Escolar Franza-El Seijo" que<br />
con planos remitidos dende Cuba construíu a<br />
súa magnifica escola no lugar do Cruceiro, desenvolvendo<br />
actividades educativas o mestre<br />
Antonio Martínez Zárate só entre os anos 1927 e<br />
o 1932, afectada a sociedade matriz por fortes<br />
liortas ideolóxicas entre os seus socios.<br />
A cuarta xeira corresponde aos anos da<br />
Dictadura de Miguel Primo de Rivera, certamente<br />
positivos nos eidos técnicos do ensino<br />
primario e secundario, adro axeitado para os<br />
cambios didáctico-pedagóxicos da Segunda<br />
República.<br />
No referido ao ensino público destaca a incorporación<br />
no ano 1924 como mestre da escola<br />
de nenos do Seixo de Ángel Mato Peña, militante<br />
cualificado do Partido Socialista e fortemente<br />
influenciado polas ideas pedagóxicas<br />
da Institución Libre de Enseñanza; morto por<br />
disparos da policía en Ferrol o seis de Outubro<br />
do 1934, o seu labor foi ben frutífero no terreo<br />
político, no sindical e no didáctico, especialmente<br />
nos anos da República, como veremos<br />
na seguinte entrega. Neste tempo, en parte<br />
145