Nº 11
Nº 11
Nº 11
Create successful ePaper yourself
Turn your PDF publications into a flip-book with our unique Google optimized e-Paper software.
Departamento de filosofía<br />
Profesor Javier de Melo Martín<br />
Introdución<br />
Dende que se tomou a decisión de centrar a actividade<br />
deste grupo na obra de Sófocles non puidemos<br />
deixar de pensar nas profundas mensaxes<br />
que as traxedias deste personaxe suxiren. Nunha<br />
das súas obras máis famosas, Edipo rei, a pescuda<br />
pode resultar imposible, o fondo, insondable. Pero<br />
o noso obxectivo non é sistematizar a interpretación<br />
deste mito, máis ben deberiamos ensinar ao<br />
noso alumnado a ver un pouco máis aló das palabras,<br />
detrás das aventuras ou desventuras, máis<br />
aló dos personaxes. Qué hai de nós mesmos e do<br />
noso presente nesa fascinante porta ao pasado<br />
que son estas obras? Motivamos así a reflexión nas<br />
diferentes liñas que logo explicaremos, engadimos<br />
curiosidade xuvenil á vella cultura e sorpresa<br />
inxenua no tópico literario.<br />
En definitiva, ademais de cumprir cos obxectivos<br />
das disciplinas deste Departamento, queríamos<br />
innovar, enriquecer, sorprender e motivar.<br />
Contidos (Esquema)<br />
Procuramos engadir aos contidos oficiais de cada<br />
unha das disciplinas e dos diferentes niveis os<br />
seguintes motivos de reflexión: *(fig 1)<br />
Adaptación didáctica dos contidos<br />
teatrais da obra O sangue de<br />
Antígona ó currículo das disciplinas<br />
do departamrnto de filosofía<br />
O Sangue de Antígona é o título elixido para a<br />
adaptación das traxedias de Sófocles Edipo<br />
rei, Edipo en Colono e Antígona. O que fixemos<br />
no departamento de filosofía foi aplicar o<br />
contido das distintas traxedias ás diferentes<br />
IDEA 2005<br />
disciplinas e niveis educativos que temos ao<br />
noso cargo.<br />
Edipo, rei<br />
Consideramos axeitado achegarmos ao alumnado<br />
de 1º de Bacharelato a figura de Edipo<br />
nunha introducción á filosofía, porque cremos<br />
que as múltiples significacións que tivo este personaxe<br />
de Sófocles desde a súa creación foron<br />
enriquecedoras e axudan a discernir múltiples<br />
temas que atinxen ao ser humano.<br />
As principais reflexións versarán sobre aspectos de<br />
teoría do coñecemento e de psicoloxía da personalidade.<br />
O planeamento da traxedia de Sófocles é dunha<br />
busca: Edipo procura ao asasino de Laio, antigo<br />
rei de Tebas. Coa súa busca, que se cre seguro<br />
de resolver, espera acabar coa peste que asola<br />
a súa cidade.<br />
Indagación, tras indagación, pescuda tras pescuda,<br />
facendo caso omiso das advertencias do<br />
vello adiviño Tiresias ou da súa muller, a raíña<br />
Iocasta, a ansia de coñecemento, a súa absoluta<br />
crenza no poder do seu raciocinio, fano rexeitar<br />
todo impedimento á investigación que iniciou.<br />
Finalmente, o seu desexo de coñecer e saber a<br />
verdade verase satisfeito e logrará descubrir ao<br />
asasino do Rei Laio; pero será un fatal autodescubrimento<br />
pois quen matara ao antigo rei<br />
nunha encrucillada resulta ser o propio Edipo.<br />
Arrancándose os ollos e tras perder á súa nai e<br />
esposa Iocasta, marcha ao desterro tenteando<br />
a terra a golpes de bastón.<br />
Quen é Edipo? O prototipo do ser humano, que<br />
saíu das sabanas africanas e chegou ao espazo<br />
Obras Idea Contidos Relacións Niveis<br />
Edipo Rei<br />
Edipo en<br />
Colono<br />
Antígona<br />
O desexo de<br />
coñecemento<br />
Rexeitamento do que<br />
ven de fóra<br />
Poder político fronte<br />
a dereitos humanos<br />
Antígona fronte a<br />
Creonte<br />
Traxedia versus progreso<br />
Metáfora do ser humano<br />
Xenofobia versus integración.<br />
Dereitos humanos versus crenzas das<br />
xentes (prexuízos).<br />
Poder político versus dereitos naturais.<br />
Dereito á vida e desobediencia civil.<br />
Exemplos vitais.<br />
Introdución á<br />
filosofía<br />
Ética<br />
1º BAC<br />
4º ESO<br />
Ética e filosofía do<br />
dereito 1º BAC<br />
Ética y Filosofía do<br />
Dereito de 1º de<br />
Bacharelato<br />
Ciencias políticas<br />
Títulos Temas Contidos Disciplinas<br />
1ºBAC<br />
2ºBAC+<br />
*fig 1<br />
79