Alternative Funeral Service - Yr Eglwys yng Nghymru

Gwasanaethau Angladd
Datgan y Ffydd
Gellir defnyddio’r Datganiad hwn o Ffydd:
Gadewch inni ddatgan y newydd da a dderbyniasom,
y daliwn yn gadarn ynddo,
yr achubir ni trwyddo
ac a draddodwn i eraill.
Bu Crist farw dros ein pechodau ni
yn ôl yr Ysgrythurau;
fe’i claddwyd;
ac fe’i hatgyfodwyd i fywyd ar y trydydd dydd
yn ôl yr Ysgrythurau;
wedi hynny fe ymddangosodd i’w ddilynwyr,
ac i’r holl apostolion:
hyn a dderbyniasom,
a hyn yr ydym yn ei gredu. Amen.
(cf. I Corinthiaid 15.3-7).
Ymbiliau
Dywedir gweddïau addas (gweler Adran XI).
Gellir defnyddio’r cyflwyniad a’r ymateb a ganlyn:
Gweddïwn mewn tangnefedd ar yr Arglwydd:
Clyw ni, Arglwydd atgyfodedig:
ein hatgyfodiad a’n bywyd.
Gweddïau o Ddiolchgarwch
Gellir canu emynau a dwyn tystiolaeth.
Gellir defnyddio’r adnodau o ganlyn neu’r cyfan o’r Te Deum.
Ti Grist yw brenin y gogoniant:
ti yw tragwyddol Fab y Tad.
Pan gymeraist gnawd i’n rhyddhau ni:
dewisaist yn wylaidd groth y Wyryf.
Gorchfygaist golyn angau:
ac agor teyrnas nef i bawb sy’n credu.
Yr wyt yn eistedd ar ddeheulaw Duw mewn gogoniant:
yr ydym yn credu y deui di i’n barnu.
Tyrd, felly, O Arglwydd, a chynorthwya dy bobl:
a brynwyd â’th waed dy hun;
A dwg ni gyda’th saint:
i’r gogoniant tragwyddol.
Gellir defnyddio un neu ragor o’r gweddïau hyn o ddiolchgarwch.
Teilwng wyt ti, ein Harglwydd a’n Duw:
i dderbyn y gogoniant a’r anrhydedd a’r gallu,
Oherwydd tydi a greodd bob peth:
a thrwy dy ewyllys y daethant i fod ac y crewyd hwy.
Tudalen 49