Alternative Funeral Service - Yr Eglwys yng Nghymru

Gwasanaethau Angladd
GWASANAETH COFFA: GWASANAETH ENGHREIFFTIOL
Y DOD YNGHYD
Y mae’r gweinidog yn croesawu’r bobl ac yn cyflwyno’r gwasanaeth.
Gellir canu neu ddweud brawddegau o’r Ysgrythur, a gellir canu emyn.
Dywed y gweinidog
Yr ydym yn cwrdd yn enw Iesu Grist, a fu farw ac a gyfododd er gogoniant Duw Dad. Gras a
thrugaredd a fo gyda chwi.
(A hefyd gyda thi).
Y mae’r gweinidog yn cyflwyno’r gwasanaeth gyda’r geiriau hyn neu eiriau addas eraill.
Disgwyliwn nid wrth y pethau a welir ond wrth y pethau nas gwelir; oherwydd byrhoedlog yw’r
pethau a welir, ond y mae’r pethau nas gwelir yn dragwyddol. Daethom ynghyd heddiw i gofio
gerbron Duw ein brawd/chwaer E., i ddiolch am ei f/bywyd ac i gysuro y naill y llall yn ein
galar.
Gweddi Agoriadol : Dywedir un o’r gweddïau hyn:
Dad nefol, diolchwn i ti am iti ein llunio ar dy ddelw dy hun a rhoddi inni ddoniau corff,
meddwl ac ysbryd. Diolchwn iti yn awr am E. ac am yr hyn a olygai i bob un ohonom. Wrth
inni anrhydeddu’r coffa amdano/i, gwna ni’n fwy ymwybodol mai ti yw’r un y daw oddi wrtho
bob rhodd berffaith, gan gynnwys y rhodd o fywyd tragwyddol trwy Iesu Grist. Amen.
Neu
Dad nefol, moliannwn dy enw am bawb a orffennodd y bywyd hwn yn dy garu di ac yn
ymddiried ynot, am esiampl eu bywydau, am y bywyd a’r gras a roddaist iddynt ac am y
tangnefedd y maent yn gorffwyso ynddo. Molwn di heddiw am dy was/wasanaethferch E. ac
am bopeth a wnaethost trwyddo/i. Tyrd i gwrdd â ni yn ein tristwch a llanw ein calonnau â
moliant a diolchgarwch, er mwyn ein Harglwydd atgyfodedig, Iesu Grist. Amen.
DARLLENIADAU A PHREGETH
Gellir defnyddio’r gantigl hon:
Bydd gwaredigion yr Arglwydd yn dychwelyd:
a bydd gofid a griddfan yn ffoi ymaith.
Llawenyched yr anial a’r sychdir:
gorfoledded y diffeithwch, a blodeuo.
Cânt weld gogoniant yr Arglwydd:
a mawrhydi ein Duw ni.
Bydd gwaredigion yr Arglwydd yn dychwelyd:
a bydd gofid a griddfan yn ffoi ymaith.
Cadarnhewch y dwylo llesg:
cryfhewch y gliniau gwan;
Tudalen 47