Alternative Funeral Service - Yr Eglwys yng Nghymru

Gwasanaethau Angladd
Dduw cariadus, galluoga ni i glywed y newyddion da am drechu marwolaeth ac adnewyddu
bywyd: fel, a ninnau’n wynebu dirgelwch yr angau, y cawn gipolwg ar oleuni tragwyddoldeb;
trwy Grist ein Hiachawdwr atgyfodedig.
Amen.
DIWEDDGLO
Iddo ef, sydd â’r gallu ganddo i’ch cadw rhag syrthio,
a’ch gosod yn ddi-fai a gorfoleddus gerbron ei ogoniant,
iddo ef, yr unig Dduw, ein Gwaredwr,
trwy Iesu Grist ein Harglwydd,
y byddo gogoniant a mawrhydi,
gallu ac awdurdod,
cyn yr oesoedd,
ac yn awr, a byth bythoedd. Amen.
III. DERBYN YR ARCH I’R EGLWYS CYN YR ANGLADD
Gellir derbyn yr arch i’r eglwys ar ddechrau’r Gwasanaeth Angladd, neu’n gynharach yn y
dydd, neu ar y diwrnod cyn yr angladd. Gellir gosod Cannwyll y Pasg wrth ben yr arch.
DERBYN YR ARCH
Y mae’r gweinidog yn cyfarfod â’r arch wrth ddrws yr eglwys ac yn dweud
Derbyniwn gorff ein brawd/chwaer E. gan hyderu yn Nuw, rhoddwr bywyd, a gyfododd yr
Arglwydd Iesu o blith y meirw.
Gellir taenellu dŵr ar yr arch, a gellir defnyddio’r geiriau hyn:
Gyda’r dŵr hwn dygwn i gof fedydd E. Megis yr aeth Crist trwy ddyfroedd dyfnion marwolaeth
er ein mwyn, dyged ni felly i gyflawnder bywyd yr atgyfodiad gyda E. a phawb a brynwyd.
Neu
Caniatâ, O Arglwydd, fod i ni a fedyddir i farwolaeth fy Fab, ein Hiachawdwr Iesu Grist,
farwhau’n wastad ein dyheadau drygionus, a chael ein claddu gydag ef; a thrwy’r bedd a
phorth angau fynd ymlaen i’n hatgyfodiad llawen; trwy ei haeddiannau ef, a fu farw ac a
gladdwyd, ac a gyfododd drachefn er ein mwyn, dy Fab Iesu Grist ein Harglwydd. Amen.
Gellir defnyddio’r brawddegau a ganlyn, neu frawddegau addas eraill o’r Ysgrythur.
Gall y gweinidog ychwanegu ‘Alelwia’ at unrhyw un o’r brawddegau hyn.
Ioan 11.25,26.
Rhufeiniaid 8.38,39.
I Thesaloniaid 4.14,17b,18.
I Timotheus 6.7 ; Job 1.21b.
Galarnad 3.22,23.
Mathew 5.4.
Ioan 3.16.
Tudalen 27