Alternative Funeral Service - Yr Eglwys yng Nghymru

Gwasanaethau Angladd
i’th holl wasanaethyddion, y byw a’r meirw,
y cyfodwn eto ar ddyfodiad Crist;
a gofynnwn am i ninnau, yng nghyflawnder yr amser,
gael rhannu â’n brawd/chwaer yn y weledigaeth eglur honno
pan welwn wyneb yn wyneb yr un Crist ein Harglwydd. Amen.
14.
Arglwydd pob peth, moliannwn di
am bawb a roddwyd i orffwys
ac a gyrhaeddodd dir yr addewid lle y gwelir di wyneb yn wyneb.
Dyro inni ras i ddilyn ôl eu traed
fel y dilynasant hwy ôl traed dy Fab.
Diolch iti am bob atgof am y rhai a elwaist atat:
ym mhob atgof
tro ein calonnau oddi wrth y pethau a welir at y pethau nas gwelir,
ac arwain ni nes deuwn i’r orffwysfa dragwyddol
a baratoaist i’th bobl
trwy Iesu Grist ein Harglwydd. Amen.
15.
Dad nefol, moliannwn dy enw
am bawb a orffennodd y bywyd hwn
yn dy garu di ac yn ymddiried ynot,
am esiampl eu bywydau,
am y bywyd a’r gras a roddaist ti iddynt,
ac am y tangnefedd y maent yn gorffwyso ynddo.
Molwn di heddiw am dy was/wasanaethferch E.
ac am y cyfan a wnaethost trwyddo/i.
Tyrd i gwrdd â ni yn ein tristwch
a llanw ein calonnau â moliant a diolchgarwch,
er mwyn ein Harglwydd atgyfodedig, Iesu Grist. Amen.
16.
Dad nefol,
diolchwn i ti am iti ein llunio ar dy ddelw dy hun
a rhoddi inni ddoniau corff, meddwl ac ysbryd.
Diolchwn iti yn awr am E.
ac am yr hyn a olygai i bob un ohonom.
Wrth inni anrhydeddu’r coffa amdano/i,
gwna ni’n fwy ymwybodol mai ti yw’r un
y daw oddi wrtho bob rhodd berffaith,
gan gynnwys y rhodd o fywyd tragwyddol trwy Iesu Grist. Amen.
17.
O Dduw ein Tad,
diolchwn iti am lunio pob un ohonom ar dy ddelw dy hun,
a rhoddi inni ddoniau a thalentau i’th wasanaethu di.
Diolchwn iti am E.,
am y blynyddoedd a ranasom ag ef/ â hi,
am y daioni a welsom ynddo/i,
ac am y cariad a dderbyniasom ganddo/i.
Tudalen 56