Alternative Funeral Service - Yr Eglwys yng Nghymru

Gwasanaethau Angladd
Plentyn
Yr Hen Destament: II Samuel 12.16-23. Marw mab Dafydd
Salm: 38.9-diwedd
Salm-weddi: Arglwydd, trugarha wrth y sawl sy’n galaru ar hyd y dydd, sydd wedi eu llethu
gan faich o ofid, eu nerth yn pallu, a’u cyfeillion a’u cymdogion wedi pellhau. Gwyddost am
ein holl ocheneidio a dyheu: bydd yn agos atom a dysg ni i obeithio ynot ti; trwy Iesu Grist
ein Harglwydd. Amen.
Apocryffa: Doethineb Solomon: 4.8-11, 13-15. Nid hirhoedledd yw henaint
Cantigl: Cân o’r eiddo Sant Anselm
Efengyl: Luc 12.35-40. Dyfodiad Mab y Dyn
Gweddi.
DIWEDDGLO
Dywed y gweinidog y diweddglo hwn neu ddiweddglo addas arall:
Yr Arglwydd Dduw hollalluog yw ein Tad: y mae’n ein caru ac yn gofalu’n dyner amdanom.
Yr Arglwydd Iesu Grist yw ein Gwaredwr: fe’n prynodd a bydd yn ein hamddiffyn hyd y diwedd.
Y mae’r Arglwydd, yr Ysbryd Glân, yn ein plith: bydd yn ein harwain yn ffordd sanctaidd Duw.
I Dduw Hollalluog, Dad, Mab ac Ysbryd Glân, y byddo’r moliant a’r gogoniant yn awr a hyd
byth.
Amen.
V. AR FORE’R ANGLADD
Bwriedir i’r gwasanaeth hwn fod yn gyfnod byr o gofio beth amser cyn mynd i’r Angladd. Gall
cyfaill, aelod o’r teulu neu weinidog ei arwain.
PARATOAD
Wrth inni gychwyn ar ein taith heddiw, gweddïwn am bresenoldeb Crist, a aeth y ffordd hon
o’n blaen. Arglwydd Iesu, dangosaist inni’r ffordd at y Tad:
Arglwydd, trugarha.
Arglwydd Iesu, y mae dy air yn goleuo ein ffordd:
Crist, trugarha.
Arglwydd Iesu, ti yw’r bugail da sy’n ein harwain i fywyd tragwyddol:
Arglwydd, trugarha.
Y GAIR
Galarnad 3.22-26, 31-33.
GWEDDI
Dad nefol, fe’n gwnaethost nid i dywyllwch a marwolaeth, ond i fyw gyda thi am byth.
Hebot nid oes gennym ddim i obeithio amdano; gyda thi, nid oes gennym ddim i’w ofni.
Llefara wrthym yn awr eiriau dy fywyd tragwyddol. Cyfod ni i oleuni a thangnefedd dy
bresenoldeb, a gosod ogoniant dy gariad o’n blaen; trwy Iesu Grist ein Harglwydd. Amen.
Tudalen 32