Alternative Funeral Service - Yr Eglwys yng Nghymru

Gwasanaethau Angladd
PAN NA BO’R CORFF YN BRESENNOL
40.
Dad pawb oll,
gweddïwn arnat dros E., a garwn ond na welwn mwyach.
Dyro iddo/i dy dangnefedd;
llewyrched goleuni gwastadol arno/i;
ac yn dy ddoethineb grasol a’th allu anfeidrol
gweithia ynddo/i bwrpas daionus dy berffaith ewyllys;
trwy Iesu Grist ein Harglwydd. Amen.
WEDI HUNANLADDIAD
41.
Dduw a Thad tragwyddol,
edrych yn drugarog ar y rhai sy’n cofio E. ger dy fron.
I E. y mae treialon y byd hwn drosodd
ac aeth angau heibio.
Derbyn gan bob un ohonom
yr hyn a deimlwn pan fo geiriau’n methu;
gwared ni rhag anobaith
a dyro inni nerth i wynebu’r dyddiau sy’n dod
yn ffydd Iesu Grist ein Harglwydd. Amen.
42.
Dduw ein nerth a’n hiachawdwriaeth,
nid wyt yn cefnu arnom nac yn y bywyd hwn
nac yn yr angau.
Clyw ein gweddïau dros bawb sydd mewn anobaith,
eu dyddiau’n llawn tywyllwch
a’u dyfodol yn ddu.
Adnewydda hwy â’th nerth cynhaliol
oherwydd yr ydym yn credu nad oes dim yn y cread crwn
a all ein gwahanu oddi wrth dy gariad
yng Nghrist Iesu ein Harglwydd. Amen.
WEDI GWAELEDD HIR
43.
Dduw ein hachubiaeth,
gelwaist ein brawd/chwaer E.
i’th wasanaethu mewn gwendid a phoen,
a rhoi iddo/i y gras o rannu croes dy Fab.
Gwobrwya ei h/amynedd a’i dd/dyfalbarhad,
a dyro iddo/i gyflawnder buddugoliaeth Crist.
Gofynnwn hyn trwy Grist ein Harglwydd. Amen.
Tudalen 62