Alternative Funeral Service - Yr Eglwys yng Nghymru

Gwasanaethau Angladd
VIII. ANGLADD PLENTYN
NODIADAU
1. Y mae’r Nodiadau cyffredinol ar y Gwasanaeth Angladd a Strwythur y Drefn ar gyfer
Gwasanaethau Angladd (adran I) yr un mor berthnasol i’r gwasanaeth hwn.
2. Dylid croesawu presenoldeb plant bach yn angladd plentyn, a dylid dwyn ar gof eu
hanghenion. Y mae’n gymorth arbennig os oes oedolyn addas a all ofalu am bawb
o’r plant.
3. Dylid sicrhau ei bod yn glir pwy sy’n llywyddu gydol y gwasanaeth, pwy sy’n
cyflwyno’r gwasanaeth ac yn ei ddiweddu, ac nad yw nifer y siaradwyr, yr eitemau
cerddorol a’r darlleniadau heb fod o’r Beibl yn rhwystro’r gwasanaeth rhag
canolbwyntio ar glywed gair Duw, gweddïo a diolch.
4. Pryd bynnag y bo’n bosibl, dylid defnyddio enw’r plentyn yn nhestun y gwasanaeth.
5. Fe all y bydd rhiant am gario arch plentyn ieuanc iawn neu faban.
ADNODDAU AT ANGLADD PLENTYN
Y mae’r adnoddau hyn yn addas ar gyfer gwahanol achlysuron a gwahanol oedrannau.
Y DOD YNGHYD
GEIRIAU O GYFARCH
Gras a thangnefedd a fo gyda chwi:
A’th gadw di yng nghariad Crist.
Yr ydym yn cwrdd yn enw Iesu Grist, a fu farw ac a gyfododd er gogoniant Duw Dad.
GEIRIAU I GYFLWYNO’R GWASANAETH
Daethom ynghyd i addoli Duw, y bu ei Fab Iesu farw ar y groes fel y caem ni fywyd tragwyddol;
i ddiolch i Dduw am ei gariad; i gofio am fywyd daearol y plentyn hwn, E; i weddïo y caiff ei
rh/rieni E. a E., a’i f/brawd E. a’i chwaer E. eu cysuro yn eu tristwch; i rannu ein galar ac i
gyflwyno E. i ofal cariadus Duw.
BRAWDDEGAU RHAGARWEINIOL
Rhufeiniaid 8.38,39
Datguddiad 7.17
I Ioan 3.2
Rwy’n dweud wrthych fod angylion y rhai bychain hyn bob amser yn edrych ar wyneb fy
Nhad sydd yn y nefoedd.
(cf. Mathew 18.10b)
Marc 10.14
Eseia 66.13
Tudalen 35