Alternative Funeral Service - Yr Eglwys yng Nghymru

Gwasanaethau Angladd
5.
Drugarocaf Dduw,
y mae dy ddoethineb uwchlaw pob deall,
amgylchyna deulu E. â’th gariad,
fel na lether mohonynt gan eu colled,
ond y caffont hyder yn dy drugaredd,
a nerth i wynebu’r dyddiau sy’n dod.
Gofynnwn hyn trwy Grist ein Harglwydd. Amen.
6.
Dduw gobaith,
deuwn atat mewn braw a galar a dryswch calon.
Cymorth ni i ddod o hyd i dangnefedd
mewn gwybodaeth o’th drugaredd cariadus at bawb o’th blant,
a dyro inni oleuni i’n tywys o dywyllwch
i sicrwydd dy gariad
na all dim ein gwahanu oddi wrtho. Amen.
7.
O Dduw, nid wyt o’th wirfodd yn peri gofid na chystudd i’th blant.
Edrych yn drugarog ar ddioddefaint y teulu hwn yn eu colled.
Cynnal hwy yn eu poen;
ac i dywyllwch eu galar
dwg oleuni dy gariad.
Gofynnwn hyn trwy Iesu Grist. Amen.
8.
Bendigedig fyddo Duw a Thad ein Harglwydd Iesu Grist:
Tad pob trugaredd a Duw pob cysur.
Y mae’r Arglwydd yn agos at bawb sy’n galw arno:
at bawb sy’n galw arno mewn gwirionedd.
Fel y mae Tad yn tosturio wrth ei blant:
felly y tosturia’r Arglwydd wrth y rhai sy’n ei ofni.
Fel y cysura mam ei phlentyn:
felly y rhydd yr Arglwydd gysur.
Yna cymerodd Iesu y plant yn ei freichiau:
rhoddodd ei ddwylo ar bob un ohonynt a’u bendithio.
DROS Y RHIENI
9.
Dad nefol,
ti yn unig a all iacháu calonnau briw;
ti yn unig a all sychu ymaith y dagrau sy’n cronni ynom;
ti yn unig a all roi inni y tangnefedd y mae arnom ei angen;
ti yn unig a all ein nerthu i ddyfalbarhau.
Gofynnwn iti fod yn agos at y rhai
y trowyd eu llawenydd yn dristwch.
Sicrha hwy nad oes dim yn wastraff nac yn anghyflawn gyda thi,
a chynnal hwy â’th gariad tyner.
O’n cynnal gan dy nerth,
dyfnhaer ein cariad at ein gilydd
trwy adnabyddiaeth o’th gariad at bob un ohonom. Amen.
Tudalen 38